Surya 45 : కోలీవుడ్ స్టార్ హీరో సూర్య తన 45వ చిత్రానికి సంబంధించి అధికారిక ప్రకటన చేశారు. ఈ చిత్రాన్ని ప్రముఖ నటుడు, దర్శకుడు ఆర్‌.జె.బాలాజీ తెరకెక్కించ నున్నారు. డ్రీమ్‌ వారియర్‌ పిక్చర్స్‌ సంస్థ నిర్మిస్తున్న ఈ చిత్రం డిసెంబర్‌ నుండి చిత్రీకరణ ప్రారంభం కానుంది.
ఈ చిత్రంలో సూర్యకు జోడీగా నటించే నాయిక ఎవరనేది ప్రస్తుతం తెలుగు, తమిళ సినీ ప్రేక్షకులలో ఆసక్తికర చర్చనీయాంశంగా మారింది. చిత్రబృందం ప్రస్తుతం కథానాయిక పాత్ర కోసం మృణాల్ ఠాకూర్, రుక్మిణీ వసంత్‌లను పరిశీలిస్తున్నట్లు తెలుస్తోంది. మృణాల్ ఠాకూర్ ఇప్పటికే బాలీవుడ్‌లో తనకంటూ ప్రత్యేక గుర్తింపు తెచ్చుకున్నారు. రుక్మిణీ వసంత్‌ కన్నడ సినిమాల్లో తనదైన నటనతో ఆకట్టుకుంటున్నారు. ఈ ఇద్దరిలో ఎవరు ఈ అవకాశాన్ని అందుకుంటారనేది తెలియాల్సి ఉంది.
ఇప్పటికే ఈ చిత్రంలో ఓ కీలక పాత్ర కోసం యువ నాయిక కశ్మీరా పరదేశిని ఖరారు చేసినట్లు తెలుస్తోంది. సూర్య 45 చిత్రం ఆధ్యాత్మిక అంశాలతో నిండిన ఫాంటసీ యాక్షన్ ఎంటర్టైనర్‌గా తెరకెక్కుతున్నట్లు తెలుస్తోంది. ఈ చిత్రం సూర్య కెరీర్‌లో మరో మైలురాయిగా నిలుస్తుందని అభిమానులు ఆశిస్తున్నారు.
