Singham Again : బాలీవుడ్‌ స్టార్‌ హీరో అజయ్‌ దేవగణ్‌ ఈ దీపావళికి సినిమా ప్రేమికులచేత మరో పండగ చేయించేందుకు సిద్ధమవుతున్నారు. రోహిత్ శెట్టి దర్శకత్వంలో తెరకెక్కిన ‘సింగమ్ అగైన్’ చిత్రంతో ప్రేక్షకులను అలరించబోతున్నారు. రోహిత్ శెట్టి కాప్ యూనివర్స్‌లో భాగంగా తెరకెక్కిన తాజా చిత్రమిది.
‘సింగమ్ అగైన్’ చిత్రంలో అజయ్‌ దేవగణ్‌ ఒక ధైర్యవంతుడైన పోలీస్‌ ఆఫీసర్‌గా కనిపించనున్నారు. ఈ సినిమాలో అర్జున్‌ కపూర్, అక్షయ్‌ కుమార్, రణ్‌వీర్‌ సింగ్, కరీనా కపూర్, దీపికా పదుకొణె వంటి ప్రముఖ నటులు కీలక పాత్రలు పోషించారు. ఇటీవల విడుదలైన ట్రైలర్‌, పోస్టర్లు ప్రేక్షకులను ఎంతగానో ఆకట్టుకున్నాయి. తాజాగా ఈ సినిమాకు సంబంధించిన టైటిల్ ట్రాక్ ను రిలీజ్ చేశారు మేకర్స్.
ఇందులో.. అజయ్‌ దేవగణ్‌ తన శత్రువులతో పోరాడుతూ సాగే ఈ పాట ఆడియన్స్ ను బాగా ఆకట్టుకుంటోంది. “అమాయకుల త్రిశూలం సింగమ్.. దుర్మార్గులందరినీ నాశనం చేసే భగవంతుని అవతారం సింగమ్” అంటూ సాగే ఈ పాట చాలా ప్రేరణాత్మకంగా ఉంది. ఈ సినిమా రామాయణం కథను ఆధారంగా తీసుకుని తెరకెక్కింది. సింగమ్ పాత్రను రామాయణంలోని ఒక పాత్రతో పోల్చడం విశేషం. నవంబర్ 1న వరల్డ్ వైడ్ గా ఈ సినిమా థియేటర్స్ లోకి రాబోతోంది.
