Kannappa : టాలీవుడ్ హీరో మంచు విష్ణు కలల ప్రాజెక్ట్ “కన్నప్ప” పై భారీ అంచనాలు నెలకొన్నాయి. ఇటీవల విడుదలైన టీజర్ తో సినిమాపై మరింత ఆసక్తి పెరిగింది. యాక్షన్ సీక్వెన్స్‌లు, విజువల్స్ ప్రేక్షకులను మెప్పించాయి. ఈ చిత్రంలో శరత్ కుమార్ పాత్రకు సంబంధించిన అప్డేట్ వచ్చింది. ఆయన పుట్టిన రోజు సందర్భంగా చిత్రబృందం శరత్ కుమార్ లుక్‌ను రివీల్ చేసింది. “నాథనాధుడు” పాత్రలో శరత్ కుమార్ భారీ లుక్ లో కనిపించనున్నారు.
మోహన్ బాబు నిర్మిస్తున్న ఈ చిత్రానికి ముఖేష్ కుమార్ సింగ్ దర్శకత్వం వహిస్తున్నారు. స్టీఫెన్ దేవస్సీ సంగీతం అందిస్తున్నారు. మోహన్ లాల్, అక్షయ్ కుమార్, ప్రభాస్, బ్రహ్మానందం, ప్రీతి ముకుందన్, కాజల్ అగర్వాల్ తో పాటు భారీ తారాగణం ఈ చిత్రంలో నటిస్తోంది.
