మాలీవుడ్ టాలెంటెడ్ యాక్టర్ ఫహద్ ఫాసిల్ లేటెస్ట్ గా ఆవేశం అనే యూత్ ఫుల్ మూవీతో భారీ హిట్ కొట్టాడు. రోమాంచం ఫేమ్ జీతు మాధవన్ దర్శకత్వం వహించిన ఈ చిత్రం అప్పుడే డిజిటల్ అరంగేట్రానికి రెడీ అవుతోంది. ఆవేశం మూవీ అమెజాన్ ప్రైమ్ వీడియోలో మే 9 న స్ట్రీమింగ్ కాబోతోంది. అమెజాన్ ప్రైమ్ వీడియో మలేషియా అధికారిక సోషల్ మీడియా హ్యాండిల్స్ ఆ తేదీన ఈ చిత్రం విడుదలవుతుందని ధృవీకరించింది. అయితే తెలుగు డబ్బింగ్ వెర్షన్ అందుబాటులోకి వస్తుందా లేదా అనే విషయంలో ఇంకా క్లారిటీ రాలేదు.
ఇటీవలే ఆవేశం సినిమా మాలీవుడ్ బాక్సాఫీస్ వద్ద రూ150 కోట్ల గ్రాస్ మార్క్ సాధించింది. అన్వర్ రషీద్ ఎంటర్‌టైన్‌మెంట్స్, ఫహద్ ఫాసిల్ అండ్ ఫ్రెండ్స్ బ్యానర్‌లపై నిర్మించిన ఈ మూవీలో రోషన్ షానవాస్, మిథున్ జై శంకర్, సజిన్ గోపు మరియు మన్సూర్ అలీ ఖాన్ కీలక పాత్రలు పోషించారు. సుశిన్ శ్యామ్ సంగీతం అందించారు.
