టాలీవుడ్ మాచో స్టార్ రానా దగ్గుబాటి ప్రస్తుతం ‘విరాట పర్వం’ చిత్రాన్ని విడుదల చేసే ప్రయత్నంలో ఉన్నాడు. అలాగే… ‘అరణ్య’ చిత్రాన్ని కూడా వీలైనంత త్వరగా విడుదల చేయడానికే చూస్తున్నారు. ఇక ఇప్పుడు ఆయన తదుపరి చిత్రానికి సంబంధించిన ప్రీ ప్రొడక్షన్ వర్క్ కూడా కంప్లీట్ అయింది. సినిమా పేరు ‘హిరణ్యకశ్యప’. గుణశేఖర్ దర్శకత్వంలో అత్యంత భారీ బడ్జెట్ తో తెరకెక్కనున్న ఈ సినిమాపై దాదాపు నాలుగేళ్ళ నుంచి వర్క్ చేస్తున్నాడు దర్శకుడు. అలాగే ఈ సినిమాను పాన్ ఇండియా కేటగిరిలో విడుదల చేసేందుకూ ప్రయత్నాలు జరుగుతున్నాయి. ఇక తాజాగా ఈ సినిమా గురించి ఒక ముఖ్యమైన అప్టేట్ సామాజిక మాధ్యమాల్లో హల్ చల్ చేస్తోంది.
‘హిరణ్యకశ్యప’ చిత్రాన్ని సురేశ్ ప్రొడక్షన్స్ నిర్మిస్తోన్న సంగతి తెలిసిందే. ఇప్పుడు కొత్తగా ఈ సినిమా నిర్మాణ భాగస్వామిగా ప్రముఖ హాలీవుడ్ నిర్మాణ సంస్థ ఫాక్స్ స్టార్ స్డూడియోస్ జాయిన్ కానుందట. ఇటీవల రానా ఫాక్స్ స్టూడియోస్ తో చర్చలు కూడా జరిపాడట. ఇక ఈ సినిమా ప్రీప్రొడక్షన్స్ వర్క్ కోసమే దాదాపు రూ. 15కోట్లు ఖర్చుపెట్టారట నిర్మాతలు. ఈ సినిమాకు సంబంధించిన ప్రీప్రొడక్షన్ వర్క్ అధిక భాగం యూ.యస్ నుంచే జరిగినట్టు సమాచారం. మరి ‘హిరణ్యకశ్యప’ చిత్రం హాలీవుడ్ రేంజ్ లో ఉండబోతుందేమో చూడాలి.
