పదేళ్ళ క్రితం బ్రిలియంట్ డైరెక్టర్ గౌతమ్ మీనన్ .. శింబు, త్రిషలతో ‘విన్నైత్తాండి వరువాయా’ అనే రొమాంటిక్ తమిళ మూవీ తెరెక్కించిన సంగతి తెలిసిందే. అదే సినిమా తెలుగులో నాగచైతన్య, సమంత జంటగా ‘ఏమాయ చేసావే’ గా తెరకెక్కింది. రెండు భాషల్లోనూ ఈ సినిమా సూపర్ హిట్టైంది. అందులో కార్తిక్, జెన్సీ పాత్రలు ప్రేక్షకుల్ని ఇప్పటికీ వెంటాడుతునే ఉన్నాయి. గౌతమ్ మీనన్ కెరీర్ లోనే క్లాసిక్ గా చెప్పుకోతగ్గ ఆ సినిమాకి సీక్వెల్ రాబోతోందని ఆ మధ్య ఎప్పుడో వార్తలొచ్చాయి. అయితే సినిమా సంగతి ఏమో కానీ.. హీరో కార్తిక్, హీరోయిన్ జెస్సీ పాత్రలతో .. శింబు,త్రిషలతోనే గౌతమ్ ప్రస్తుతం ఒక షార్ట్ ఫిల్మ్ తెరకెక్కిస్తున్నాడు. దానికి టైటిల్ ‘కార్తిక్ డయల్ సెయ్ ద ఎన్’ .
ఈ షార్ట్ ఫిల్మ్ టీజర్ కూడా హీరోయిన్ త్రిష విడుదల చేసింది. ఇక ఈ షార్ట్ ఫిల్మ్ లో శింబు, త్రిష ఎవరింట్లో వారే ఉండి నటించారు. త్వరలోనే ఈ షార్ట్ ఫిల్మ్ ప్రేక్షకుల ముందుకు రానుంది. ‘విన్నైత్తాండి వరువాయా’ సీక్వెల్ ఎలా ఉండబోతోందో ఈ షార్ట్ ఫిల్మ్ ద్వారా ఓ టీజర్లా చూపించాడు డైరెక్టర్ గౌతమ్ మీనన్. ఇటీవలే హీరోయిన్ త్రిష గౌతమ్ వాసుదేవ్ మీనన్ లు ప్రేక్షకులకు సోషల్ మీడియా వేదికగా సర్ప్రైజ్ ఇచ్చారు. “కార్తిక్ డయల్ సెయ్ ద ఎన్” షార్ట్ ఫిల్మ్ లో జెస్సీగా త్రిష.. తన బాయ్ ఫ్రెండ్ కార్తిక్ తో ఫోన్లో మాట్లాడుతుంది. “కార్తిక్ నువు గొప్ప ఆర్టిస్ట్ అని అందరికీ తెలుసు. లాక్ డౌన్ వల్ల నువ్ నెర్వస్ అవ్వాల్సిన అవసరం లేదు. త్వరలో మళ్లీ థియేటర్లు తెరుచుకుంటాయి. నువు గొప్ప కంటెంట్ రాయగలవు” అంటూ భరోసా ఇస్తూ షార్ట్ ఫిల్మ్ టీజర్ సాగింది. ఇక ఏఆర్ రెహమాన్ మళ్లీ తన మ్యాజిక్ చూపించనున్నారట. ప్రస్తుతం “కార్తీక్ డయల్ సెయితాయెన్” టీజర్ నెట్టింట వైరల్ అయి చక్కర్లు కొడుతోంది.
టీజర్ వీక్షించడానికి ఈ కింది లింక్ ను క్లిక్ చేయండి.
https://www.youtube.com/watch?v=Dci9TvhaGtU&feature=emb_logo
