‘లై, ఛల్ మోహన్ రంగ, శ్రీనివాస కళ్యాణం’ చిత్రాలతో వరుసగా పరాజయాలు ఫేస్ చేసిన నితిన్… తదుపరి చిత్రాల కోసం మరింత జాగ్రత్తగా అడుగులు వేస్తున్నాడు. ఆ క్రమంలో వైవిధ్యమైన కథాకథనాల్నిఎంపిక చేసుకుంటున్నాడు. ప్రస్తుతం వెంకీ కుడుముల దర్శకత్వంలో ‘భీష్మ’ అనే సింగిల్ ఫరెవర్ పాత్ర పోషిస్తోన్న నితిన్.. ఆ తర్వాత వెంకీ అట్లూరి డైరెక్షన్ లో ‘రంగ్ దే’ అనే ప్రేమకథా చిత్రాన్నీ లైన్లో పెట్టుకున్నాడు. ఇక ఈ రెండూ కాకుండా మనోడు వెరైటీ చిత్రాల దర్శకుడు చంద్రశేఖర్ ఏలేటి దర్శకత్వంలో ఓ సినిమా చేయడానికి రెడీ అవుతున్నాడు . ఈ సినిమాకి ‘చెక్’ అనే టైటిల్ ఖాయం చేసినట్టు వార్తలొస్తున్నాయి.
యాక్షన్ థ్రిల్లర్ గా తెరకెక్కుతోన్న ఈ సినిమా లో బోలెడన్ని మలుపులుంటాయట. అదే విధంగా స్ర్కీన్ ప్లే కూడా చాలా ఇన్నోవేటివ్ గా ఉంటుందని తెలుస్తోంది. ఈ తరహా చిత్రాలు తీయడంలో చెయితిరిగిన దర్శకుడని చంద్రశేఖర్ ఏలేటి గతంలో ‘ఐతే, ఒక్కడున్నాడు, అనుకోకుండా ఒకరోజు’ చిత్రాలతో ప్రూవ్ చేసుకున్నాడు. అతి త్వరలోనే సెట్స్ మీదకు వెళ్ళనున్న ‘చెక్’ మూవీ 75శాతం సింగిల్ లొకేషన్ లోనే చిత్రీకరణ జరుపుకుంటుందని సమాచారం. మరి ఈ సినిమాతో హీరో నితిన్, దర్శకుడు చంద్రశేఖర్ తమ పరాజయాలకు చెక్ పెడతారేమో చూడాలి.
