టాలీవుడ్ న్యూ సెన్సేషన్ విజయ్ దేవరకొండ తాజా చిత్రం ‘వరల్డ్ ఫేమస్ లవర్’ ఈ వేలెంటైన్స్ డే కానుకగా విడుదలవుతోన్న సంగతి తెలిసిందే. ఇక దీని తదుపరి చిత్రం ఆల్రెడీ సెట్స్ మీదుంది. డైనమిక్ డైరెక్టర్ పూరీ జగన్నాథ్ తనదైన శైలిలో తెరకెక్కిస్తోన్న ఈ సినిమాకి ఒక ఆసక్తికరమైన, ఆశ్చర్యకరమైన టైటిల్ రిజిస్టర్ చేసినట్టు ఫిల్మ్ నగర్ సమాచారం. నిన్నమొన్నటివరకూ ఈ చిత్రానికి ‘ఫైటర్’ అనే టైటిల్ ప్రచారంలో ఉండేది. అయితే దాని కన్నా. కథ ప్రకారం ‘లైగర్’ అనే టైటిల్ పైనే పూరీ ఎక్కువగా మొగ్గు చూపిస్తున్నాడట.
మగ సింహానికీ, ఆడ పులికి పుట్టిన బిడ్డనే లైగర్ అంటారు. అంటే దీన్ని బట్టి.. ఈ మూవీలో విజయ్ దేవరకొండ తల్లి తండ్రులవి పవర్ ఫుల్ రోల్స్ అని అర్దమవుతోంది. ‘ఇస్మార్ట్ శంకర్’ తో సూపర్ హిట్టు కొట్టి మళ్ళీ ఫామ్ లోకొచ్చిన పూరీ జగన్నాథ్ .. అర్జున్ రెడ్డితో సంచలనం క్రియేట్ చేసిన విజయ్ దేవరకొండ కలయికలో వస్తోన్న సినిమా అవడంతో దీనికి భారీ ఎత్తున అంచనాలున్నాయి. పూరీ స్టైలాఫ్ కేరక్టరైజేషన్ లోకి అగ్రెసివ్ ‘అర్జున్ రెడ్డి’ విజయ్ దేవరకొండ పరకాయ ప్రవేశం చేస్తే ఎలా ఉంటుందనే ఆసక్తి అందరిలోనూ ఉంది. మరి ‘లైగర్’ తో వీరిద్దరూ ఏ స్థాయిలో ఔట్ పుట్ ఇస్తారో చూడాలి.
