Rananaidu 2 : బాబాయ్ విక్టరీ వెంకటేష్, అబ్బాయ్ రానా దగ్గుబాటి తండ్రీకొడుకులుగా నటించడమే కాకుండా.. మొదటిసారిగా డిజిటల్ ఎంట్రీ ఇచ్చిన “రానా నాయుడు” వెబ్ సిరీస్ మొదటి సీజన్ విజయవంతమైంది. నెట్‌ఫ్లిక్స్‌లో ప్రసారమైన ఈ సిరీస్‌కు అద్భుతమైన స్పందన లభించింది. అసభ్యకరమైన భాష వాడారని విమర్శలు వచ్చినప్పటికీ.. ఈ వెబ్ సిరీస్ కొంతకాలం పాటు నెట్ ఫ్లిక్స్ లో ట్రెండింగ్ అయింది.
ఇప్పుడు, అభిమానులు ఎంతగానో ఎదురుచూస్తున్న సీజన్ 2 షూటింగ్ జరుగుతోంది అని మేకర్లు అధికారికంగా ప్రకటించారు. ఈ సీజన్‌లో రానా, వెంకటేష్‌లతో పాటు బాలీవుడ్ నటుడు అర్జున్ రాంపాల్ కూడా నటించనున్నట్లు తెలుస్తోంది. సీజన్ 2 ఎప్పుడు స్ట్రీమవుతుందో అధికారిక ప్రకటన ఇంకా రావాల్సి ఉంది. అయితే త్వరలోనే ఈ విషయంపై మేకర్లు క్లారిటీ ఇవ్వనున్నట్లు తెలుస్తోంది. రానా నాయుడు సీజన్ 2 కి సుపర్ణ్ వర్మ, కరణ్ అన్షుమన్ దర్శకత్వం వహిస్తున్నారు.
