అందమైన ముఖం.. ఆకట్టుకునే కళ్ళు.. ఆకర్షించే నవ్వు.. అన్నీ కలిసి ఒక్క చోట చేరితే నాగశౌర్య. మన పక్కింట్లోనో, ఎదురింట్లోనో లేక వెనకింట్లోనో ఉండే అబ్బాయిలా అనిపిస్తాడు. అందుకే అమ్మాయిలకు అంతగా నచ్చుతాడు. సహజమైన పాత్రలతో , వైవిధ్యమైన కథలతో సినిమాలు చేస్తూ లవర్ బాయ్ గా ముద్ర పడ్డ అతగాడు.. టాలీవుడ్ లో హీరోగా ఇప్పుడిప్పుడే ఎదుగుతున్నాడు. తెలుగు తెరపై స్టార్ హీరో అవ్వాలనే పట్టుదల , కృషి నిండుగా మెండుగా కలవాడు.
2011 లో ‘క్రికెట్ గాళ్ళ్ అండ్ బీర్’ టాలీవుడ్ లో నటుడిగా రంగప్రవేశం చేసిన నాగశౌర్య .. ఆ తర్వాత ‘చందమామ కథలు’ అనే మూవీలో ప్రముఖ పాత్ర పోషించాడు. ‘ఊహలు గుసగుసలాడే’ మూవీతో హీరోగా ఎంట్రీ ఇచ్చి .. మొట్టమొదటి కమర్షియల్ హిట్టు కొట్టాడు. ‘దిక్కులు చూడకు రామయ్య, లక్ష్మీరావే మా ఇంటికి , జాదూగాడు‘ లాంటి మూవీస్ తో యూత్ ను ఆకట్టుకున్నాడు. ఐరా క్రియేషన్స్ పేరుతో సొంతంగా బ్యానర్ స్థాపించి .. ‘ఛలో. @నర్తనశాల’ లాంటి సినిమాలతో విజయం సాధించాడు. ఇప్పుడు ‘అశ్వత్థామ’ అనే కాన్సెప్ట్ బేస్డ్ యాక్షన్ మూవీతో త్వరలో రాబోతున్నాడు. అతడు ఇంకా మరెన్నో విజయాలతో హీరోగా ఉన్నత శిఖరాలు అధిరోహించాలని ఆశిద్దాం. నేడు నాగశౌర్య పుట్టిన రోజు .. ఈ సందర్భంగా అతడికి విషెస్ చెబుతోంది మూవీ వాల్యూమ్.
హ్యాపీ బర్త్ డే నాగశౌర్య.
