Yudhra : క్రమంగా తనకంటూ ఒక ప్రత్యేక గుర్తింపు తెచ్చుకుంటున్న నటి మాళవిక మోహనన్. ఆమె కెరీర్‌ మరో కొత్త మలుపు తిరుగుతున్నట్లు తెలుస్తోంది. అమ్మడు బాలీవుడ్ లోనూ తన అదృష్టాన్ని పరీక్షించుకుంటోంది. ఆమె నటిస్తున్న లేటెస్ట్ బాలీవుడ్ మూవీ ‘యుధ్రా’ ఫస్ట్ లుక్‌ను సోషల్ మీడియాలో విడుదల చేశారు మేకర్స్ .
ఈ చిత్రంలో మాళవిక మోహనన్ మరియు సిద్ధాంత్ చతుర్వేది జంటగా నటిస్తున్నారు. ‘మామ్’ ఫేమ్ రవి ఉద్యవార్ దర్శకత్వం వహిస్తున్న ఈ యాక్షన్ థ్రిల్లర్‌ చిత్రం ప్రేక్షకులను ఆకట్టుకోనుందని భావిస్తున్నారు. ఫస్ట్ లుక్‌లో మాళవిక ఒంటినిండా గాయాలతో, రక్తంతో తడిసి ముద్దవుతూ కనిపిస్తుంది. ఈ కొత్త అవతారం ఆమె ఇప్పటివరకు చేసిన పాత్రలకు పూర్తి భిన్నంగా ఉంటుందని చిత్రబృందం తెలిపింది.
‘కోపానికి మరో కొత్త పేరు వచ్చేసింది. అదే ‘యుధ్రా” అనే వ్యాఖ్యతో మాళవిక ఈ ఫస్ట్ లుక్‌ను విడుదల చేసింది. రితేశ్ సిధ్వాని మరియు ఫర్హాన్ అక్తర్ నిర్మించిన ఈ చిత్రం వచ్చే నెల 20న ప్రేక్షకుల ముందుకు రానుంది. ప్రస్తుతం మాళవిక మోహనన్ ప్రభాస్‌తో కలిసి ‘రాజాసాబ్’ చిత్రంలో నటిస్తున్నారు.
