‘భద్రం బి కేర్ ఫుల్ బ్రదరు’ సినిమాతో తెలుగు తెరకు పరిచయమైన యువ కథానాయకుడు రాజ్ దాసిరెడ్డి త్వరలోనే మరోసారి ప్రేక్షకులను అలరించేందుకు సిద్ధమవుతున్నాడు. ఈ కొత్త సినిమా ఓ ఔట్ అండ్ ఔట్ యాక్షన్ ఎంటర్టైనర్‌గా తెరకెక్కుతుండటం విశేషం.
దర్శకసంచలనం మారుతి దర్శకత్వ పర్యవేక్షణలో తెరకెక్కి విజయం సాధించిన ‘భద్రం బి కేర్ ఫుల్ బ్రదరు’ తర్వాత రాజ్ దాసిరెడ్డికి తెలుగులో పలు ఆఫర్లు వచ్చాయి. అయితే అదే సమయంలో ఓ హాలీవుడ్ ప్రాజెక్ట్ లో నటించే అవకాశం రావడంతో అక్కడికి వెళ్ళాడు. అయితే ఆ ప్రాజెక్ట్ అనివార్య కారణాల వల్ల ఆలస్యమవుతుండడంతో, ఈ యాక్షన్ ఎంటర్టైనర్ కు గ్రీన్ సిగ్నల్ ఇచ్చాడు.
ఈ సినిమా కోసం రాజ్ దాసిరెడ్డి అమెరికాలో యాక్షన్ కు సంబంధించిన ప్రత్యేక శిక్షణ తీసుకుంటున్నాడు. సినిమా చిత్రీకరణ అమెరికా, ఊటీ, హైదరాబాద్, వైజాగ్ తదితర ప్రదేశాల్లో జరగనుంది. ప్రస్తుతం ఈ సినిమా ప్రీ ప్రొడక్షన్ పనులు జరుపుకుంటున్నాయి. సినిమాకి సంబంధించిన పూర్తి వివరాలు త్వరలోనే అధికారికంగా వెల్లడించనున్నారు.
