అహిషోర్‌ సాల్మన్‌ దర్శకత్వంలో నాగార్జున ఎన్‌ఐఏ ఏజెంట్‌గా దియా మీర్జా, సయామీఖేర్‌, అలీ రెజా కీలక పాత్రలు పోషించిన సినిమా ‘వైల్డ్‌డాగ్‌’. ఈ సినిమా ఏప్రిల్‌ 2న యాక్షన్‌ థ్రిల్లర్‌గా ప్రేక్షకుల ముందుకు వచ్చి ఆకట్టుకుంది. తాజాగా నెట్‌ ఫ్లిక్స్‌ ఓటీటీ ఫ్లాట్ ఫామ్ పై విడుదలైన ఈ సినిమాకు మంచి స్పందన వస్తోంది. తెలుగు, తమిళ, మలయాళ, కన్నడ భాషల్లో ఇండియా ట్రెండింగ్‌ లో నిలిచింది. సినిమాలో నాగార్జున తన టీమ్‌తో చేసిన సాహసాలు యాక్షన్‌ లవర్స్ ను అలరిస్స్తున్నాయి.
ఈ నేపథ్యంలో యాక్షన్‌ బ్రేక్‌ డౌన్‌ పేరుతో నెట్‌ఫ్లిక్స్‌ ఇండియా తాజాగా వీడియోను విడుదల చేసింది. ఈ వీడియోలో యాక్షన్‌ సన్నివేశాలను సినిమాలో ఏవిధంగా తెరకెక్కించారన్న విషయాలను నాగార్జున, సయామీఖేర్‌లు పంచుకున్నారు. రోహ్‌తంగ్‌ పాస్‌లో షూటింగ్‌ సందర్భంగా చేతిలో గన్ పట్టుకుని ఉండగా చలికి వణికిపోతుంటే కెమెరామెన్‌ ‘సర్‌ మీ చేతులు వణికిపోతున్నాయి. కదలకుండా ఉంచండి’ అని చెప్పారని వీడియోలో ముచ్చటించారు. ఆ వీడీయోను మీరు చూసేయండి.
