విజయ్ సేతుపతి .. పాత్ర నచ్చాలే కానీ.. ఎలాంటి పాత్రనైనా అవలీలగా చేసి పారేస్తాడు. అలాంటి టాలెంటెడ్ మక్కళ్ సెల్వం ఇప్పుడో షాకింగ్ డెసిషన్ తీసుకున్నాడు. అదేంటంటే విలన్ పాత్రలకు ఫుల్ స్టాప్ పెడతాడట. ”విలన్ పాత్రలు చేయడం నాకు తప్పుగా అనిపించడం లేదు. ఎలాంటి పాత్రకైనా నేను వందకు వందశాతం న్యాయం చేయాలనే చూస్తా. అయితే అందులో నాకు కొన్ని పరిమితుల విధిస్తారు. నువ్వు హీరోని మించి చేయెుద్దని చెప్పి నన్ను కంట్రోల్ చేస్తుంటారు. దాని వల్ల నేను మానసికంగా చాలా ఒత్తిడికి గురవుతున్నాను. అందుకే కొన్ని రోజులు అలాంటి పాత్రలకు దూరంగా ఉండాలని అనుకుంటున్నా” అంటూ షాకింగ్ కామెంట్స్ చేశాడు.
