Vijaydevarakonda – Saipallavi : విజయ్ దేవరకొండ, సాయి పల్లవి కలిసి నటించబోతున్నారనే వార్త టాలీవుడ్ లో హల్ చల్ చేస్తోంది. దిల్ రాజు బ్యానర్ లో ‘రాజావారు రాణిగారు’ ఫేమ్ రవికిరణ్ కోలా దర్శకత్వం వహిస్తున్న ఓ సినిమాలో ఈ జంట నటించబోతోందని తెలుస్తోంది. విజయ్ దేవరకొండ పుట్టిన రోజు సందర్భంగా ఈ చిత్రానికి సంబంధించిన అధికారిక ప్రకటన వచ్చింది. రూరల్ యాక్షన్ డ్రామాగా తెరకెక్కిస్తున్న ఈ చిత్రానికి “రౌడీ జనార్థన్” అనే టైటిల్ పరిశీలనలో ఉంది.
దర్శకుడు రవికిరణ్ కోలా సాయి పల్లవిని దృష్టిలో ఉంచుకొనే హీరోయిన్ పాత్రను డిజైన్ చేసినట్లు తెలుస్తోంది. కథానాయిక పాత్రకు చాలా ప్రాధాన్యత ఉంటుందని, ఆ పాత్రకు సాయి పల్లవి అయితేనే న్యాయం చేస్తుందని దర్శకుడు భావిస్తున్నట్లు సమాచారం. “ఫిదా” తర్వాత దిల్ రాజు బ్యానర్ లో సాయి పల్లవి నటించలేదు. అందుకే ఆమె డేట్స్ కోసం దిల్ రాజు ప్రయత్నిస్తున్నట్లు తెలుస్తోంది.
కథ నచ్చి, తన పాత్ర బాగుంటే సాయి పల్లవి ఈ సినిమాలో నటించడానికి అవకాశం ఉంది. అలా జరిగితే, విజయ్ దేవరకొండ, సాయి పల్లవి లాంటి క్రేజీ జంటను తెరపై చూసే అవకాశం ప్రేక్షకులకు దక్కుతుంది. విజయ్ ప్రస్తుతం గౌతమ్ తిన్ననూరితో ఓ సినిమాలో నటిస్తున్నాడు. ఆ తర్వాత రాహుల్ సాంకృత్యన్ సినిమాలో నటించనున్నాడు. ఈ రెండు సినిమాలు పూర్తయిన తర్వాతే రవికిరణ్ కోలా సినిమా ప్రారంభం అవుతుంది.
