Vijay Devarakonda : రౌడీ హీరో .. విజయ్ దేవరకొండ ప్రస్తుతం గౌతమ్ తిన్ననూరి దర్శకత్వంలోని స్పై థ్రిల్లర్‌ పూర్తి చేయబోతున్నారు. ఈ సినిమా తర్వాత మైత్రీ మూవీ మేకర్స్‌ బ్యానర్‌పై రాహుల్ సంకృత్యాన్‌ దర్శకత్వంలో ఓ పీరియాడిక్ యాక్షన్‌ మూవీ చేయనున్నారు. ఈ సినిమా చిత్రీకరణ నవంబర్‌లో ప్రారంభం కానుంది.
ఈ చిత్రంలో విజయ్ ఒక యోధుడి పాత్రలో కనిపించనున్నారు. కథ 18వ శతాబ్దం, ప్రస్తుత కాలంతో ముడిపడి ఉంటుంది. విజయ్ రెండు కాలాల్లోనూ భిన్న పాత్రల్లో నటిస్తారు. ఈ సినిమా కోసం విజయ్ గుర్రపు స్వారీ, యుద్ధ విద్యలో శిక్షణ తీసుకుంటున్నారు. ప్రత్యేకంగా ఈ సినిమా కోసం విజయ్ తొలిసారి రాయలసీమ యాసలో మాట్లాడనున్నారు. ఈ పీరియాడిక్ యాక్షన్‌ మూవీలో యుద్ధ నేపథ్య సన్నివేశాలకు ప్రాధాన్యం ఉంటుంది. విజయ్ ఈ పాత్ర కోసం ఎంతో కష్టపడుతున్నారు. ప్రస్తుతం చిత్ర పూర్వ నిర్మాణ పనులు జరుగుతున్నాయి.
