Vijay Devarakonda : యంగ్ హీరో విజయ్ దేవరకొండ లేటెస్ట్ మూవీ ఇటీవలే అనౌన్స్ అయిన సంగతి తెలిసిందే. ఈ చిత్రానికి డైరెక్టర్ రాహుల్ సంకృత్యాన్ దర్శకత్వం వహిస్తున్నారు. మైత్రీ మూవీ మేకర్స్ నిర్మిస్తున్న ఈ చిత్రం 1854 నుండి 1878 మధ్య కాలంలో జరిగే కథ అని తెలుస్తోంది. టాక్సీవాలా తర్వాత రాహుల్ డైరెక్షన్ లో విజయ్ నటించే ఈ రెండో సినిమా పై మంచి అంచనాలు నెలకొన్నాయి.
ఈ చిత్రంలో విజయ్ దేవరకొండ సరసన రష్మిక మందన్న నటించే అవకాశం ఉందని వార్తలు వినిపిస్తున్నాయి. గతంలో డియర్ కామ్రేడ్, గీత గోవిందం చిత్రాల్లో కలిసి నటించిన ఈ జంట మూడోసారి జంటగా నటించనున్నట్లు సమాచారం. ఈ చిత్రం తెలుగుతో పాటు హిందీ, తమిళం, కన్నడ, మలయాళం భాషల్లో కూడా విడుదల కానుంది. షూటింగ్ త్వరలో ప్రారంభం కానుంది.
