Venky-Anilravipudi combo : విక్టరీ వెంకటేష్ , అనిల్ రావిపూడి కాంబినేషన్ లో శ్రీ వెంకటేశ్వర క్రియేషన్స్ బ్యానర్‌పై దిల్ రాజు ఒక సినిమా నిర్మిస్తున్న సంగతి తెలిసిందే. వీరి కాంబినేషన్ లో గతంలో ఎఫ్2 అండ్ ఎఫ్3 మూవీస్ సక్సెస్ అయిన సంగతి తెలిసిందే. ఈ నేపథ్యంలో మరోసారి ఈ ముగ్గురు కొలాబరేట్ అవుతున్నారు.
తాజా సమాచారం ప్రకారం వెంకటేష్, అనిల్ రావిపూడి సినిమాకి సంబంధించిన స్క్రిప్ట్ వర్క్ పూర్తయింది. అనిల్ రావిపూడి ప్రస్తుతం వైజాగ్‌లో సినిమాకు డైలాగ్స్ రాసే పనిలో బిజీగా ఉన్నారు. అనిల్ రావిపూడి ట్రేడ్‌మార్క్ కామెడీతో కమర్షియల్ ఎంటర్‌టైనర్‌గా రూపొందుతున్న ఈ చిత్రం 2025లో సంక్రాంతికి విడుదల చేయాలని లక్ష్యంగా పెట్టుకున్నారు.
ఇదిలా ఉండగా విక్టరీ వెంకటేష్ ప్రస్తుతం రానా నాయుడు సీజన్ 2కు లాక్ అయ్యాడు. ఈ వెబ్ సిరీస్ లో తన పార్ట్ పూర్తవగానే.. అనిల్ రావిపూడి సినిమా షూటింగ్ కు వెంకీ షిఫ్ట్ అవుతాడు. మరి ఈ సారి వెంకీ, అనిల్ రావిపూడి కాంబో ఇంకెంతగా నవ్విస్తుందో చూడాలి.
