VD 12 Movie : యూత్ స్టార్ విజయ్ దేవరకొండ హీరోగా గౌతమ్ తిన్ననూరి దర్శకత్వంలో తెరకెక్కుతున్న సినిమాపై భారీ అంచనాలు నెలకొన్నాయి. ఈ సినిమా విజయ్ కెరీర్ లో 12వ చిత్రంగా రూపొందుతుండగా, మొదటి నుంచి ఈ సినిమాపై మంచి బజ్ నెలకొంది. ఇటీవల ఈ సినిమాలోని విజయ్ కొత్త లుక్ లీక్ అవడంతో సోషల్ మీడియాలో చర్చ జరిగింది. దీంతో మేకర్స్ వెంటనే అఫీషియల్ అప్డేట్ ఇస్తూ, విజయ్ మాస్ లుక్‌లో ఉన్న ఫస్ట్ లుక్ పోస్టర్‌ను రిలీజ్ చేశారు.
ఈ పోస్టర్‌లో విజయ్ వర్షంలో ఫైట్ సీక్వెన్స్‌లో ఉన్నట్లుగా, బాధతో గట్టిగా అరుస్తున్నట్లుగా కనిపిస్తున్నాడు. అంతేకాకుండా, మేకర్స్ ఈ సినిమా రిలీజ్ డేట్‌ను కూడా ప్రకటించారు. ఈ చిత్రం 2024 మార్చి 28న ప్రేక్షకుల ముందుకు రానుంది. అంతేకాకుండా, ఈ ఆగస్ట్‌లోనే ఈ సినిమా టైటిల్‌ను కూడా ప్రకటించనున్నట్లు తెలిపారు.
అనిరుద్ రవిచందర్ ఈ చిత్రానికి సంగీతం అందిస్తుండగా, సితార ఎంటర్టైన్మెంట్స్ మరియు ఫార్చూన్ ఫోర్ సినిమాస్ సంయుక్తంగా ఈ చిత్రాన్ని నిర్మిస్తున్నాయి. ఈ సినిమాపై అభిమానులు భారీ అంచనాలు పెట్టుకున్నారు. విజయ్ దేవరకొండ కొత్త లుక్ మరియు రిలీజ్ డేట్ ప్రకటనతో సినిమాపై హైప్ మరింత పెరిగింది.
