Matka movie : మెగా హీరో వరుణ్ తేజ్ ప్రస్తుతం కరుణ కుమార్ దర్శకత్వంలో తెరకెక్కుతున్న ‘మట్కా’ సినిమా ప్రేక్షకుల ముందుకు రాబోతున్నది. ఈ సినిమాలో వరుణ్ తేజ్ విభిన్నమైన లుక్‌లో కనిపించడంతో అభిమానులు ఆసక్తిగా ఎదురు చూస్తున్నారు. దర్శకుడు కరుణ కుమార్ వినూత్నమైన కథాంశాలతో ప్రేక్షకులను అలరించడంలో నిష్ణాతుడు కావడంతో ఈ సినిమాపై అంచనాలు భారీగా ఉన్నాయి.
మొదట ఈ సినిమాను డిసెంబర్‌లో విడుదల చేయాలని భావించినప్పటికీ, డిసెంబర్‌లో పుష్ప 2 మరియు రామ్ చరణ్‌ నటించిన గేమ్ ఛేంజర్‌ సినిమాలు విడుదల కాబోతున్న నేపథ్యంలో ‘మట్కా’ సినిమాను నవంబర్ 14న విడుదల చేయాలని నిర్ణయించారు. వరుణ్ తేజ్ నటించిన గత కొన్ని సినిమాలు బాక్సాఫీస్‌ వద్ద నిరాశపరిచిన నేపథ్యంలో, ‘మట్కా’ సినిమా అతని కెరీర్‌లో మరో మలుపు తిప్పాలని అభిమానులు ఆశిస్తున్నారు. ఈ సినిమాలో వరుణ్ తేజ్‌తో పాటు మీనాక్షి చౌదరి, నోరా ఫతేహి కీలక పాత్రలు పోషిస్తున్నారు.
