Varun Tej : మెగా ప్రిన్స్ వరుణ్ తేజ్.. గత సినిమాలు అనుకున్న విధంగా ఆడకపోయినా, తన కెరీర్‌ను మరోసారి పునరుద్ధరించుకోవడానికి కృషి చేస్తున్నాడు. ఏకంగా మూడు డిఫెంట్ జోనర్స్ మూవీస్ లో వరుణ్ తేజ్ నటిస్తున్నాడు. ఈ సినిమాలు వరుణ్ కెరీర్ ను కొత్త మలుపు తిప్పుతాయని భావిస్తున్నారు.
మాఫియా బ్యాక్‌డ్రాప్‌తో తెరకెక్కుతున్న పీరియాడికల్ మూవీ మట్కా. కరుణ్ కుమార్ దర్శకత్వంలో తెరకెక్కుతోన్న ఈ సినిమా వరుణ్ తేజ్‌కు కొత్త ఇమేజ్‌ను తీసుకురాబోతోందని అంటున్నారు. ఈ సినిమాలో వరుణ్ తేజ్ మూడు వేర్వేరు షేడ్స్‌తో కనిపించనున్నాడు. పాన్ ఇండియా రేంజ్‌లో విడుదల కానున్న ఈ సినిమాపై భారీ అంచనాలు నెలకొన్నాయి.
వెంకటాద్రి ఎక్స్ ప్రెస్, ఎక్స్ ప్రెస్ రాజా లాంటి చిత్రాలతో దర్శకుడిగా మంచి పేరు తెచ్చుకున్న మెర్లపాక గాంధి దర్శకత్వంలో వరుణ్ ఒక సినిమాలో నటించబోతున్నాడు. క్రైమ్ కామెడీ జోనర్‌లో తెరకెక్కుతున్న ఈ సినిమాలో వరుణ్ తేజ్ కొత్తగా ప్రయత్నిస్తున్నాడు. సౌత్ కొరియాలో ఈ సినిమా మేజర్ పోర్షన్ షూటింగ్ జరుగుతుంది. థమన్ సంగీతం అందిస్తున్న ఈ సినిమాపై కూడా ప్రేక్షకులు ఆసక్తిగా ఎదురు చూస్తున్నారు.
రవితేజ తో టచ్ చేసి చూడు అనే సినిమాను తెరకెక్కించిన ఇంక విక్రమ్ సిరికొండ దర్శకత్వంలో ఒక సినిమాలో వరుణ్ తేజ్ మరో కొత్త అవతారంలో కనిపించనున్నాడు. అమెరికాలో ఈ సినిమా మేజర్ పోర్షన్ షూటింగ్ జరుగుతుంది. మైత్రీ మూవీ మేకర్స్ నిర్మిస్తున్న ఈ సినిమాపై కూడా భారీ అంచనాలు ఉన్నాయి. మరి ఈ మూడు చిత్రాలు వరుణ్ తేజ్ కు ఏ రేంజ్ లో పేరు తెస్తాయో చూడాలి.
