చిత్రం : శబరి
విడుదల తేదీ : మే 3, 2024
నటీనటులు: వరలక్ష్మీ శరత్ కుమార్, గణేష్ వెంకట్రామన్, శశాంక్, మైమ్ గోపి, సునయన, రాజశ్రీ నాయర్, మధునందన్, బేబీ నివేక్ష తదితరులు
నిర్మాత: మహేంద్ర నాథ్
రచన-దర్శకత్వం: అనిల్ కాట్జ్
సంగీతం: గోపి సుందర్‌
సినిమాటోగ్రఫీ: రాహుల్ శ్రీవాత్సవ, నాని చమిడిశెట్టి
ఎడిటర్: ధర్మేంద్ర కాకరాల
తెలుగులో వరుస సినిమాలతో దూసుకుపోతున్న వరలక్ష్మీ శరత్ కుమార్.. ఇప్పుడు సైకలాజికల్ థ్రిల్లర్ “శబరి” తో ప్రేక్షకుల్ని మరోసారి పలకరించింది. కొత్త దర్శకుడు అనిల్ కట్జ్ దర్శకత్వం వహించిన ఈ సినిమా నేడే థియేటర్స్ లోకి వచ్చింది. ఈ సినిమాతో వరూ ఏ మేరకు ఆడియన్స్ ను థ్రిల్ చేసింది? సినిమా జనానికి నచ్చుతుందా లేదా అనే విషయాలు రివ్యూలో చూద్దాం.
కథ
సంజన (వరలక్ష్మి శరత్‌కుమార్) సింగిల్ పేరెంట్. తన ఐదేళ్ల పాప రియా (బేబీ కృతిక) అంటే ఆమెకు ప్రాణం. తన భర్తతో విభేదించడంతో, ఆమె తన బిడ్డతో ఎమోషనల్ గా కనెక్ట్ అవుతుంది. తనని తీసుకొని వైజాగ్ కు పయనమవుతుంది. అక్కడ మెంటల్ హాస్పిటల్ నుంచి పారిపోయిన సూర్య (మైమ్ గోపి) వల్ల ఆమె బిడ్డకు త్రెట్ ఏర్పడుతుంది. నగరంలోని ప్రముఖ న్యాయవాది రాహుల్ (శశాంక్) సంక్షోభ సమయంలో ఆమెకు మద్దతుగా నిలుస్తాడు. చివరికి సంజన తన బిడ్డ కోసం ఏం చేసింది అన్నదే మిగతా కథ.
విశ్లేషణ
తన కూతురిని కాపాడుకోవడానికి ఎంత దూరకైనా వెళ్ళే ఒంటరి తల్లి కథ ఇది. లోపలి, బయటి రాక్షసులను జయించి, తన కూతురితో దూరం తగ్గకుండా చూసుకోవడమే ఆమె లక్ష్యం. మొదట సైకలాజికల్ హారర్-థ్రిల్లర్ లాగా కనిపిస్తుంది ఈ సినిమా. కానీ మొదటి సగం చూస్తున్నప్పుడు.. ఈ సినిమా ఒక ఎమోషనల్ థ్రిల్లర్‌గా కనిపిస్తుంది. దర్శకుడు అనిల్ కాట్జ్ తన స్టైల్‌లో సినిమాను చాలా ఆసక్తికరంగా మలిచాడు. ప్రేక్షకులను కన్ఫ్యూజ్డ్ స్టేట్‌లోకి తీసుకువెళ్లే ప్రయత్నం చేసి, కథలోని మలుపులతో సర్ ప్రైజ్ చేశాడు.
నటీనటుల ప్రదర్శన: వరలక్ష్మి శరత్ కుమార్ తన పాత్రలో అద్భుతంగా నటించారు. మైమ్ గోపీ, గణేశ్ వెంకట్రామన్ , ఇంకా ఇతర నటీనటులు వారి వారి పాత్రలకు న్యాయం చేసారు.
సాంకేతిక అంశాలు: సినిమాటోగ్రఫీ, ఎడిటింగ్ పనితనం సినిమాకు మరింత గొప్పతనం తెచ్చాయి. మణి శర్మ సంగీతం కూడా సినిమాకు ఒక అదనపు బలం.
ప్లస్ పాయింట్స్
నటీనటుల ప్రదర్శన
దర్శకుడి కొత్త దృక్పథం
సాంకేతిక నైపుణ్యం
మైనస్ పాయింట్స్
కథ మొదటి భాగంలో కొంత నెమ్మదిగా సాగడం.
కొన్ని సన్నివేశాలు ఊహించగలిగేవిగా ఉండడం.
థ్రిల్లర్ జానర్‌ను ఇష్టపడే వారికి ‘శబరి’ చిత్రం బాగా నచ్చుతుంది. కథాంశంలో ఉన్న ట్విస్ట్‌లు మరియు పాత్రల అభినయం సినిమాను మరింత ఆసక్తికరంగా మార్చాయి. మొత్తంగా, ఇది ఒక మంచి సినిమాగా ప్రేక్షకులను ఆకట్టు కుంటుంది.
ట్యాగ్ లైన్ : కంటేనే అమ్మ అని అంటే ఎలా?
రేటింగ్ : 3/5
గమనిక : ఈ రివ్యూ క్రిటిక్ అభిప్రాయం మాత్రమే
