Brinda Webseries trailer : సౌత్ బ్యూటీ క్వీన్ .. త్రిష కృష్ణన్ తొలి సారిగా డిజిటల్ ఎంట్రీ ఇస్తున్న సంగతి తెలిసిందే . అది కూడా తెలుగు వెబ్ సిరీస్ తో రాబోతోంది . ఆ వెబ్ సిరీస్ పేరు బృంద. సోనీ లివ్‌ ఓటీటీ ప్లాట్ ఫామ్ లో ఆగస్టు 2న బృంద వెబ్ సీరీస్ స్ట్రీమింగ్ కానుంది. తెలుగులో రూపొందిన ఈ సిరీస్ తమిళ్‌, కన్నడ, మలయాళం, మరాఠీ, బెంగాలీ, హిందీ భాష‌ల్లోనూ అందుబాటులో ఉండబోతోంది. ఈ సంద‌ర్భంగా లేటెస్ట్ గా ‘బృంద’ వెబ్ సిరీస్ ట్రైల‌ర్‌ను మేక‌ర్స్ వదిలారు.
పోలీస్ డిపార్ట్‌మెంట్‌లో ఎస్సైగా చేరిన బృంద లా అండ్ ఆర్డర్ లో వస్తున్న స‌మ‌స్యల‌ను సాల్వ్ చేయడానికి ప్రయ‌త్నిస్తుంది. అయితే అవి గిట్టని ఆమె సుపీరియర్స్ ఆమెను సూటి పోటి మాట‌ల‌తో బాధ పెడుతుంటారు. అనుకోకుండా ఓ కేసు విష‌యంలో ఆమెను స‌స్పెండ్ కూడా చేస్తారు. అస‌లు బృంద‌ను డ్యూటీ నుంచి ఎందుకు స‌స్పెండ్ చేశారు? ఆమెకు ఎద‌ురైన స‌వాళ్ళేంటి? అనే విష‌యం తెలియాలంటే ‘బృంద’ అనే తెలుగు వెబ్ సిరీస్ చూడాల్సిందే.
డైరెక్టర్ సూర్య మ‌నోజ్ వంగాల‌తో క‌లిసి ప‌ద్మావ‌తి మ‌ల్లాది దీనికి స్క్రీన్ ప్లేను సమకూర్చారు. శ‌క్తికాంత్ కార్తీక్ సంగీతాన్ని సమకూర్చారు. ఇంద్రజిత్‌ సుకుమారన్‌, జయప్రకాష్‌, ఆమని, రవీంద్ర విజయ్‌, ఆనంద్‌ సామి, రాకేందు మౌళితో పాటు పలువురు ప్రముఖ నటీనటులు ఈ సీరీస్‌లో కీలక పాత్రల్లో నటించారు.
