టాలీవుడ్ యూత్ స్టార్ విశ్వక్ సేన్ నటించిన యాక్షన్ ఎంటర్టైనర్ “గ్యాంగ్స్ ఆఫ్ గోదావరి” .. ఎట్టకేలకు మే 31న థియేటర్లలోకి రానుంది. పెండింగ్ పనుల కారణంగా ఈ చిత్రం చాలాసార్లు వాయిదా పడింది. నేహా శెట్టి హీరోయిన్ గా నటిస్తుండగా.. అంజలి, నాజర్, సాయి కుమార్, గోపరాజు రమణ, హైపర్ ఆది కీలక పాత్రలు పోషిస్తున్నారు. హిందీ బిగ్ బాస్ సెన్సేషన్ అయేషా ఖాన్ ఓ ప్రత్యేక పాటలో కనిపించనుంది. ఈ చిత్రానికి కృష్ణ చైతన్య దర్శకత్వం వహించగా, యువన్ శంకర్ రాజా స్వరాలు సమకూర్చారు.
ఈ చిత్రంలో ఒక ఐకానిక్ సన్నివేశంలో, ఫహద్ ఫాసిల్ ఒక స్తంభం వెనుక నిలబడి విభిన్న మనోభావాలను ప్రదర్శిస్తాడు. ఈ ట్రెండింగ్ సన్నివేశాన్ని విదేశీ క్రికెటర్లతో సహా పలువురు ప్రముఖులు రీ క్రియేట్ చేశారు. ఇప్పుడు విశ్వక్ సేన్ కూడా ఈ సన్నివేశాన్ని రీ క్రియేట్ చేసి, తన చిత్రం ఇక వాయిదా పడదు అని, మే 31 కి థియేటర్ల లోకి వస్తుంది అని ప్రకటించాడు. ఈ సన్నివేశం ఖచ్చితంగా ప్రేక్షకులను ఆకట్టుకుంటుందని అందరూ అనుకుంటున్నారు. “గ్యాంగ్స్ ఆఫ్ గోదావరి” చిత్రం యాక్షన్, కామెడీ, రొమాన్స్ సన్నివేశాలతో ఉండబోతోంది. ఈ చిత్రం విశ్వక్ సేన్ కెరీర్‌లో మరో విజయాన్ని సాధిస్తుందని అభిమానులు ఆశిస్తున్నారు.
