Thamanna Bhatia : తన అందం, అభినయంతో ప్రేక్షకులను అలరించడంలో ఎప్పుడూ ముందుండే అందాల కథానాయికలు, తెరపైనే కాకుండా ఓటీటీ వేదికపై కూడా తమ ప్రతిభను చాటుతున్నారు. ఈ జాబితాలో తమన్నా కూడా ఉంది. గతేడాది ప్రేతీ సిమోస్‌ నిర్మించిన ‘ఆఖరి సచ్‌’ అనే ఇన్వెస్టిగేటివ్ థ్రిల్లర్‌తో ప్రేక్షకులను ఆకట్టుకున్న తమన్నా, ఇప్పుడు మరో కొత్త ఓటీటీ సిరీస్‌తో ప్రేక్షకుల ముందుకు రాబోతుంది.
ఈసారి కరణ్ జోహార్‌తో కలిసి ప్రేతీ ఈ సిరీస్‌ను నిర్మించనున్నారు. ఈ సిరీస్ దేశమంతా ఉలిక్కిపడేలా చేసిన నిజ జీవిత సంఘటన ఆధారంగా రూపొందనుంది. ఈ సిరీస్‌లో తమన్నా ఓ న్యాయవాదిగా కనిపించనుంది. త్వరలోనే ఈ ప్రాజెక్టు చిత్రీకరణ మొదలుకానున్నట్లు సమాచారం. ప్రస్తుతం తెలుగు చిత్రం ‘ఓదెల 2’లో నటిస్తున్న తమన్నా, ఈ కొత్త ఓటీటీ సిరీస్‌తో మరోసారి ప్రేక్షకులను అలరించడానికి సిద్ధమవుతోంది.
