Matka movie : ‘పలాస’ వంటి క్రేజీ సినిమాను తెరకెక్కించిన కరుణ కుమార్‌ దర్శకత్వంలో వరుణ్ తేజ్‌ హీరోగా తెరకెక్కుతున్న చిత్రం ‘మట్కా’. విభిన్నమైన ప్రచార చిత్రాలు, పోస్టర్లతో ప్రేక్షకులను ఆకట్టుకుంటున్న ఈ సినిమాపై భారీ అంచనాలు నెలకొన్నాయి. ఈ నేపథ్యంలో.. తాజాగా ‘మట్కా’ చిత్రం నుంచి ‘తస్సాదియ్యా’ అనే పాట విడుదలైంది. ఇది ప్రేక్షకులను ఎంతగానో.. అలరిస్తోంది.
1990ల నాటి క్లబ్ సాంగ్‌లను తలపించే ఈ పాటను జీవీ ప్రకాశ్ కుమార్‌ అద్భుతంగా కంపోజ్ చేశారు. భాస్కరభట్ట రచించిన ఈ పాటను మనో తన మధురమైన స్వరంతో ఆలపించారు. రెట్రో థీమ్‌తో ఇప్పటి తరం ప్రేక్షకులకు కొత్త అనుభూతిని అందిస్తున్న ఈ పాట, వరుణ్ తేజ్‌ కొత్త లుక్‌తో కలిసి మరింత ఆకట్టుకుంటోంది.
వైర ఎంటర్‌టైన్‌మెంట్స్, SRT ఎంటర్‌టైన్‌మెంట్స్ బ్యానర్లపై డాక్టర్ విజయేందర్ రెడ్డి తీగల, రజనీ తాళ్లూరి నిర్మిస్తున్న ఈ చిత్రంలో మీనాక్షి చౌదరి, నోరా ఫతేహి హీరోయిన్లుగా నటిస్తున్నారు. నవీన్ చంద్ర, సలోని, అజయ్ ఘోష్‌లు కీలక పాత్రలు పోషిస్తున్నారు. ఇప్పటికే విడుదలైన టీజర్‌, ‘లే లే రాజా’ అనే పాట మరియు తాజాగా విడుదలైన ‘తస్సాదియ్యా’ సాంగ్‌తో ‘మట్కా’ చిత్రంపై ప్రేక్షకుల ఆసక్తి పెరిగింది. నవంబర్ 14న విడుదల కానున్న ఈ చిత్రం బాక్సాఫీస్‌ వద్ద ఏ రేంజ్‌లో విజయం సాధిస్తుందో చూడాలి.
