Tapsee Pannu : బాలీవుడ్ బ్యూటీ తాప్సి తన కెరీర్‌లో మరో వెరైటీ పాత్రతో ప్రేక్షకులను అలరించడానికి సిద్ధమవుతోంది. హిందీలో ‘వో లడ్కీ హై కహా’ అనే చిత్రంలో పోలీస్ అధికారిగా కనిపించనున్న ఆమె.. తదుపరి ‘గాంధారి’ అనే యాక్షన్ థ్రిల్లర్‌లో నటిస్తున్నారు. తల్లీ బిడ్డల బంధం నేపథ్యంగా రూపొందుతున్న ఈ చిత్రంలో తాప్సి తల్లి పాత్రలో కనిపించనుంది. ఈ పాత్ర కోసం ఆమె ఇప్పటికే శారీరక శిక్షణ తీసుకుంటున్నారు.
ఏరియల్ యోగా వంటి కఠినమైన వ్యాయామాలతో తనను తాను సిద్ధం చేసుకుంటున్నారు. తాప్సి ఎప్పుడూ తన పాత్రల కోసం ఎంతటి కష్టమైనా పడటానికి సిద్ధంగా ఉంటారు. ఈ చిత్రంలో కూడా ఆమె అదే శ్రమను వెచ్చిస్తున్నారు. దేవాశిశ్‌ మఖిజా దర్శకత్వంలో రూపొందుతున్న ఈ చిత్రాన్ని కనికా థిల్లాన్‌ నిర్మిస్తున్నారు. ‘గాంధారి’ చిత్రం తాప్సీ కెరీర్‌లో మరో మైలురాయిగా నిలవనుంది.
