Redin kingsley marriage : డాక్టర్, బీస్ట్, జైలర్ వంటి సినిమాల్లో హాస్య పాత్రలతో మెప్పించిన రెడిన్ కింగ్స్లే టీవీ నటీమణి సంగీత ను పెళ్లి చేసుకున్నాడు. సాంప్రదాయబద్ధంగా జరిగిన ఈ వివాహంలో నవదంపతుల ఫోటోలు ఇంటర్నెట్‌లో వైరల్ అయిన తర్వాత వీళ్ళ పెళ్లివార్త బైటికి వచ్చింది. వధువు సంగీత సన్ టీవీలో ప్రసారమవుతున్న ఆనంద రాగం సీరియల్‌తో సహా అనేక ప్రముఖ తమిళ డైలీ సీరియళ్లలో నటించిన ప్రముఖ టీవీ నటి. అలాగే లోకేష్ కనగరాజ్ దర్శకత్వం వహించిన మాస్టర్ సినిమాలో విజయ్, విజయ్ సేతుపతితో కలిసి నటించినట్లు తెలుస్తోంది. కొలమావు కోకిల, ఎల్‌కేజి వంటి మూవీస్ లో వరుస విజయాలు సాధించిన కింగ్స్లీ.. నెల్సన్ దిలీప్‌కుమార్- శివకార్తికేయన్ కాంబినేషన్‌లో వచ్చిన ‘డాక్టర్’ సినిమాలో తన పాత్రతో అందరి దృష్టిని ఆకర్షించాడు. రీసెంట్ గా రజనీ కాంత్ జైలర్ సినిమాలో తాజా పాత్రతో తన అదిరిపోయే కామెడీ టైమింగ్ తో అదరగొట్టాడు కింగ్ స్లే.
