Odela 2 : మిల్కీ బ్యూటీ తమన్నా భాటియా ప్రధాన పాత్రలో నటిస్తున్న ‘ఓదెల 2’. ఈ చిత్రం చిత్రీకరణ చివరి దశకు చేరుకుంది. ‘ఓదెల రైల్వే స్టేషన్’ చిత్రానికి కొనసాగింపుగా వస్తున్న ఈ సినిమా ఆధ్యాత్మిక అంశాలతో ముడిపడిన యాక్షన్ థ్రిల్లర్‌గా తెరకెక్కుతోంది. హెబ్బా పటేల్, వశిష్ఠ ఎన్.సింహ వంటి ప్రముఖ నటులు కూడా ఈ చిత్రంలో కీలక పాత్రలు పోషిస్తున్నారు.
చిత్ర యూనిట్ తాజాగా విడుదల చేసిన పోస్టర్‌లో తమన్నా శివశక్తిగా ఆసక్తికరంగా కనిపించింది. ఈ చిత్రం చివరి షెడ్యూల్ ప్రస్తుతం ఓదెల గ్రామంలోని మల్లన్న క్షేత్రంలో జరుగుతోంది. చిత్రంలోని ప్రధాన తారాగణం మొత్తం ఈ షెడ్యూల్‌లో పాల్గొంటున్నారు.
సంపత్ నంది టీమ్‌ వర్క్స్ మరియు మధు క్రియేషన్స్ సంయుక్తంగా నిర్మిస్తున్న ఈ చిత్రానికి అజనీష్‌ లోక్‌నాథ్‌ సంగీతం అందిస్తున్నారు. సౌందర్‌ రాజన్‌ ఛాయాగ్రాహకుడిగా వ్యవహరిస్తున్నారు. తమన్నా ఈ సినిమాతో ఏ రేంజ్ లో సక్సెస్ అందుకుంటుందో చూడాలి.
