Tamanna Bhatia : మిల్కీ బ్యూటీ తమన్నా ఇటీవలే ‘స్త్రీ 2’ చిత్రంలోని ప్రత్యేక గీతంతో అలరించిన సంగతి తెలిసిందే. ఇప్పుడు ఒక కొత్త సిరీస్‌తో ప్రేక్షకులను అలరించడానికి సిద్ధమవుతోంది. ‘సికందర్ కా ముఖద్దర్’ అనే ఈ సిరీస్‌ను ప్రముఖ దర్శకుడు నీరజ్‌ పాండే తెరకెక్కిస్తున్నారు. ఈ సిరీస్‌లో తమన్నా కీలక పాత్ర పోషిస్తున్నారు. సామాజిక మాధ్యమాల ద్వారా ఈ సిరీస్‌ను అధికారికంగా ప్రకటించింది తమన్నా.
ఈ సిరీస్‌లో 60 కోట్ల రూపాయల విలువ చేసే వజ్రాలు చోరీకి గురైన కథను ఆధారంగా చేసుకుని రూపొందిస్తున్నారు. ఈ చోరీ కేసును ఒక ఓటమిని అంగీకరించని ఇన్స్పెక్టర్ ఎలా ఛేదించాడు అనేది ఈ సిరీస్‌లోని ప్రధాన కథాంశం. రహస్యం, నేరం, సంకల్పం లాంటి అంశాలతో కూడిన ఈ సిరీస్‌ను క్రైమ్ డ్రామా నేపథ్యంలో తెరకెక్కిస్తున్నారు. ఈ సిరీస్‌లో తమన్నాతో పాటు అవినాశ్ తివారీ, జిమ్మీ షెర్గిల్‌ తదితరులు కీలక పాత్రలు పోషిస్తున్నారు. ఈ సిరీస్ త్వరలోనే ఓటీటీ వేదికపై ప్రేక్షకుల ముందుకు రానుంది.
