Surya : లేటెస్ట్ గా ‘తంగలాన్’ చిత్రంతో సౌత్ ఆడియన్స్ ను మెప్పించాడు చియాన్ విక్రమ్. పీరియాడికల్ డ్రామాతో అద్భుతమైన విజువల్స్ తో ఈ చిత్రాన్ని తెరకెక్కిచాడు దర్శకుడు పా. రంజిత్. ఇంక అక్టోబర్‌లో విడుదల కానున్న ‘కంగువా’ చిత్రంతో సూర్య బాక్సాఫీస్‌ వద్ద దుమ్మురేపడానికి సిద్ధమవుతున్నాడు. రెండు చిత్రాల నిర్మాణ బాధ్యతలు స్టూడియో గ్రీన్ సంస్థ వహించింది.
గతంలో సూర్య, పా. రంజిత్ కలిసి ‘జర్మన్’ అనే చిత్రాన్ని తెరకెక్కించాలని భావించారు. అయితే ఈ ప్రాజెక్ట్ కార్యరూపం దాల్చలేదు. తాజా సమాచారం ప్రకారం, పా. రంజిత్ స్టూడియో గ్రీన్ సంస్థతో మరో భారీ చిత్రానికి ఒప్పందం చేసుకున్నారు. ఈ చిత్రంలో ఒక అగ్ర హీరో నటించనున్నట్లు తెలుస్తోంది. దీంతో ఈ ప్రాజెక్ట్ ‘జర్మన్’ అయ్యే అవకాశం ఉందని కోలీవుడ్ వర్గాల్లో ప్రచారం జరుగుతోంది. ఇప్పటికే ఈ విషయమై చర్చలు మొదలైనట్లు తెలుస్తోంది. త్వరలోనే ఈ ప్రాజెక్ట్ గురించి అధికారిక ప్రకటన రానుంది.
