Kanguva movie : తమిళ సినీ ప్రేక్షకులను ఉత్కంఠలో ఉంచుతున్న సూర్య నటించిన ‘కంగువ’ చిత్రం విడుదల తేదీపై తాజాగా కొత్త ట్విస్ట్ వచ్చింది. అక్టోబర్ 10న విడుదల కావాల్సిన ఈ చిత్రం వాయిదా పడే అవకాశం ఉందని ఇప్పటికే ప్రచారం జరుగుతున్న సంగతి తెలిసిందే.
ఈ నేపథ్యంలో తాజాగా కార్తి నటించిన కొత్త సినిమా ఆడియో వేడుకలో పాల్గొన్న సూర్య, ‘కంగువ’ చిత్రం వాయిదా పడే అవకాశంపై స్పందిస్తూ ఆసక్తికర వ్యాఖ్యలు చేశారు. అక్టోబర్ 10న రజనీకాంత్ నటించిన ‘వేట్టయన్’ చిత్రం విడుదల కానుండటంతో, తన చిత్రం కంటే రజనీకాంత్ చిత్రం ముందు విడుదల కావాలని తాను కోరుకుంటున్నట్లు తెలిపారు.
“రజనీకాంత్ నాకు సీనియర్. దాదాపు 50 ఏళ్లుగా తమిళ సినిమాకు ఆయనే ఐడెంటిటీ. కాబట్టి సూపర్ స్టార్ సినిమా ముందొస్తే బాగుంటుందని నా అభిప్రాయం. ‘కంగువ’ ఒక చిన్న బేబీ లాంటిది. త్వరలోనే దాని పుట్టినరోజు ఉంది” అని సూర్య అన్నారు. సూర్య చేసిన ఈ వ్యాఖ్యలతో ‘కంగువ’ చిత్రం వాయిదా పడే అవకాశం మరింత స్పష్టమైంది. త్వరలోనే ఈ చిత్రం కొత్త విడుదల తేదీని ప్రకటించే అవకాశం ఉంది.
