Suriya 45 : తమిళ స్టార్ హీరో సూర్య త్వరలోనే అభిమానులను అలరించేందుకు సిద్ధమవుతున్నారు. ఇప్పటికే ఆయన నటించిన ‘కంగువా’ అనే సినిమా త్వరలోనే విడుదల కానుంది. ఆల్రెడీ కార్తిక్ సుబ్బరాజ్ దర్శకత్వంలో తన 44వ సినిమా షూటింగ్ ను పూర్తి చేశారు. ఈ సినిమా విడుదలకు ముందే, సూర్య తన 45వ సినిమా ప్రారంభానికి సిద్ధమవుతున్నారు.
ఈ కొత్త సినిమాను ప్రముఖ రేడియో జాకీ, నటుడు ఆర్.జె. బాలాజీ దర్శకత్వం వహిస్తున్నారు. డ్రీమ్ వారియర్ పిక్చర్స్ ఈ చిత్రాన్ని నిర్మిస్తోంది. ఈ మూవీకి ఎ.ఆర్. రెహమాన్ సంగీతం అందిస్తున్నారు. ఈ సినిమా యాక్షన్ అడ్వెంచర్ జానర్‌లో ఉంటుంది. ఈ చిత్రం కోసం నవంబర్ నుండి షూటింగ్ ప్రారంభం కానుంది. 2025 సంవత్సరం రెండవ భాగంలో ఈ సినిమా విడుదల కానుంది. సూర్య అభిమానులకు ఇది గుడ్ న్యూస్ అని చెప్పవచ్చు. సూర్య వరుస సినిమాలతో బిజీగా ఉన్నారు. ఆయన నటనకు మంచి ఆదరణ ఉంది. ఈ కొత్త సినిమా కూడా అలాంటి విజయం సాధిస్తుందని అభిమానులు ఆశిస్తున్నారు.
