Sundarakanda : వెంకటేశ్‌ నిమ్మలపూడి దర్శకత్వంలో తెరకెక్కుతున్న ‘సుందరకాండ’ చిత్రంలో నారా రోహిత్‌ కథానాయకుడిగా నటిస్తున్నారు. వృతి వాఘని, శ్రీదేవి విజయ్‌కుమార్‌ కథానాయికలుగా నటిస్తున్న ఈ చిత్రం సంతోష్‌ చిన్నపోళ్ల, గౌతమ్‌ రెడ్డి, రాకేశ్‌ మహంకాళి సంయుక్తంగా నిర్మిస్తున్నారు.
గురువారం ఈ చిత్రంలోని ‘హమ్మయ్య.. హమ్మయ్యా’ అనే పాటను విడుదల చేశారు. ‘శనివారం నుంచి రాజయోగం అంట… ’ అంటూ మొదలయ్యే ఈ పాటకు లియోన్‌ జేమ్స్‌ స్వరాలు సమకూర్చగా, ఆయనే రామ్‌ మిర్యాలతో కలిసి ఆలపించారు. శ్రీహర్ష ఈ పాటకు సాహిత్యం అందించారు. హుషారుగా సాగే ఈ పాటలో నారా రోహిత్‌ చేసిన డ్యాన్స్ ప్రేక్షకులను ఆకట్టుకుంటుందని సినీ వర్గాలు అంటున్నాయి. విడుదలైన వెంటనే ఈ పాటకు మంచి స్పందన లభిస్తోంది.
