SSMB 29 : టాలీవుడ్‌లో ప్రస్తుతం ఎంతగానో ఆసక్తిని రేకెత్తిస్తున్న ప్రాజెక్ట్స్ లో సూపర్ స్టార్ మహేశ్ బాబు, దర్శకధీరుడు రాజమౌళి కాంబినేషన్‌లో తెరకెక్కనున్న SSMB29 ఒకటి. ఈ చిత్రం భారీ బడ్జెట్‌తో ప్రతిష్ఠాత్మక స్థాయిలో తెరకెక్కనుండటంతో సినీ ప్రియులందరూ ఆసక్తిగా ఎదురుచూస్తున్నారు. ఈ చిత్ర రచయిత విజయేంద్ర ప్రసాద్‌ తాజాగా ఈ చిత్రం గురించి కీలక విషయాలను వెల్లడించారు.
విజయేంద్రప్రసాద్ మాట్లాడుతూ, వచ్చే ఏడాది జనవరి నుంచి ఈ చిత్రం షూటింగ్ ప్రారంభం కానుందని తెలిపారు. ఈ కథను రూపొందించడానికి దాదాపు రెండేళ్ల సమయం పట్టిందని చెప్పడం విశేషం. ఈ విషయం నెట్టింట వైరల్‌గా మారింది. ఈ చిత్రం అమెజాన్ అడవుల నేపథ్యంలో సాగుతుందని తెలుస్తోంది.
పలువురు విదేశీ నటులు కనిపించనున్నారు. భారతీయ భాషలతో పాటు, విదేశీ భాషల్లోనూ ఈ చిత్రాన్ని అనువదించనున్నారు. రాజమౌళి ఈ చిత్రం ద్వారా భారతీయ చిత్ర పరిశ్రమలో ఇప్పటి వరకూ చూడని సరికొత్త ప్రపంచాన్ని ఆవిష్కరించబోతున్నారని రచయిత విజయేంద్రప్రసాద్ తెలిపారు. దుర్గా ఆర్ట్స్‌పై కె.ఎల్‌.నారాయణ ఈ చిత్రాన్ని నిర్మిస్తున్నారు. ప్రస్తుతం ప్రీ ప్రొడక్షన్ పనులు జరుగుతున్నాయి. మహేశ్ బాబు విభిన్నమైన లుక్‌లో కనిపించనున్నారని సమాచారం. ఈ చిత్రానికి ‘గరుడ’ అనే టైటిల్‌ ఫిక్స్‌ అయ్యే అవకాశం ఉందని ప్రచారం.
