Singham Again : బాలీవుడ్‌లో ఘన విజయం సాధించిన ‘సింగమ్’ ఫ్రాంచైజీలో మరో అధ్యాయం ‘సింగమ్ అగైన్’. అజయ్ దేవ్‌గణ్ మరోసారి బాజీరావ్ సింగం పాత్రలో నటించిన ఈ చిత్రం, రోహిత్ శెట్టి దర్శకత్వంలో రూపొందింది. ఈ చిత్రం షూటింగ్ పూర్తయినట్లు దర్శకుడు రోహిత్ శెట్టి తెలిపారు. ఈ సందర్భంగా ఆయన ఓ వీడియోను సోషల్ మీడియాలో పంచుకున్నారు.
“విజయవంతంగా ‘సింగమ్ అగైన్’ షూటింగ్ ముగిసింది. ఈ చిత్రంతో పాటు ‘సింగమ్’ చిత్రం విడుదలై 13 ఏళ్లు పూర్తి చేసుకున్న ఈ సందర్భంగా మరో విషయం కూడా షేర్ చేసుకోవాలనుకుంటున్నాను. దర్శకుడిగా నేను అజయ్‌తో కలిసి చేస్తున్న 13వ చిత్రమిది. కానీ ఈ గ్యాప్ లో మా మధ్య అనుబంధం మరింత బలపడింది. బాజీరావ్‌తో కలిసి దీపావళికి మిమ్మల్ని కలవడానికి ఎదురుచూస్తున్నాను” అని ఆయన వ్యాఖ్యానించారు.
ఈ చిత్రంలో అక్షయ్ కుమార్, టైగర్ ష్రాఫ్, అర్జున్ రాంపాల్, దీపికా పదుకొణె, కరీనా కపూర్‌ తదితరులు ముఖ్య పాత్రల్లో నటించారు. మరి ఈ సింగం ఇంకెంత పవర్ ఫుల్ గా పంజా విజురుతుందో చూడాలి.
