Siddhu Jonnalagadda : యూత్ స్టార్ సిద్ధు జొన్నలగడ్డ, సితార ఎంటర్‌టైన్‌మెంట్స్ మరోసారి తెరపైకి రాబోతున్న విషయం తెలిసిందే. ఇప్పటికే ‘డీజే టిల్లు’ మరియు ‘టిల్లు స్క్వేర్’ వంటి సినిమాలతో అద్భుత విజయం సాధించిన ఈ కాంబినేషన్ , తాజాగా ‘కోహినూర్’ అనే చిత్రంతో ప్రేక్షకుల ముందుకు రాబోతున్నారు. దసరా సందర్భంగా కోహినూర్ ప్రత్యేక పోస్టర్ తో ఈ సినిమా టైటిల్ ను ప్రకటించారు.
ఈ సినిమా కథ భారతదేశానికి చెందిన ఐకానిక్ వజ్రం కోహినూర్ చుట్టూ తిరుగుతుంది. భద్రకాళి దేవి మహిమగా భావించే ఈ వజ్రం కాలక్రమంలో సామ్రాజ్యవాదుల చేతికి వెళ్ళిపోయింది. ఈ వజ్రాన్ని తిరిగి భారతదేశానికి తెచ్చే పనిలో ఒక యువకుడు పడిన కష్టాలను ఈ చిత్రం చూపిస్తుంది.
‘క్షణం’ వంటి కల్ట్ క్లాసిక్‌ని తెరకెక్కించిన రవికాంత్ పేరెపు ఈ చిత్రానికి దర్శకత్వం వహిస్తున్నారు. సిద్ధుతో కలిసి ‘కృష్ణ అండ్ హిజ్ లీల’ వంటి విజయవంతమైన చిత్రాన్ని అందించిన రవికాంత్, ఈ సినిమాతో మరోసారి ప్రేక్షకులను అలరించేందుకు సిద్ధమయ్యారు.
‘కోహినూర్’ చిత్రం 2026 జనవరిలో ప్రేక్షకుల ముందుకు రానుంది. సితార ఎంటర్‌టైన్‌మెంట్స్ మరియు ఫార్చూన్‌ఫోర్ సినిమాస్ బ్యానర్లపై ఈ చిత్రం నిర్మితమవుతోంది.
