Siddharth Malhotra : బాలీవుడ్ నటుడు సిద్ధార్థ్ మల్హోత్రా తన తదుపరి ప్రాజెక్ట్‌గా జాన్వీ కపూర్‌తో కలిసి ‘పరమ్ సుందరి’ అనే చిత్రంలో నటిస్తున్న సంగతి తెలిసిందే. ఈ రొమాంటిక్ కామెడీ డ్రామాలో సిద్ధార్థ్ ఒక వ్యాపారవేత్త పాత్రలో కనిపించనున్నారు. ఈ చిత్రం కోసం దిల్లీలో డిసెంబర్ నెలలో చిత్రీకరణ ప్రారంభించాలని చిత్రబృందం నిర్ణయించింది. ప్రస్తుతం ఈ సినిమా స్క్రిప్ట్ పనులు ముగింపు దశలో ఉన్నాయి.
త్వరలోనే ఈ చిత్రం గురించి అధికారిక ప్రకటన రానుంది. ‘యోధ’ చిత్రంతో ఈ ఏడాది ప్రేక్షకులను అలరించిన సిద్ధార్థ్ మల్హోత్రా, ‘పరమ్ సుందరి’ చిత్రంతో మరోసారి ప్రేక్షకులను అలరించేందుకు సిద్ధమవుతున్నారు. తన కెరీర్‌లో ఇంతకు ముందు ఎన్నడూ చేయని పాత్రలో కనిపించనున్నారని ఆయన సన్నిహిత వర్గాలు తెలిపాయి. ఈ చిత్రానికి తుషార్ జలోటా దర్శకత్వం వహిస్తున్నారు. ఈ జంట కలిసి తెరపై ఎలాంటి మాజిక్‌ను క్రియేట్ చేస్తారో చూడాలి.
