శివానీ రాజశేఖర్… తన తల్లిదండ్రుల బాటలో నట వారసత్వాన్ని పుణికి పుచ్చుకుంది. మంచి స్ర్కీన్ ప్రెజెన్స్, చక్కటి నటన ఆమె క్వాలిటీస్. మొదటి సినిమా ‘2 స్టేట్స్’ మొదలవగానే ఆగిపోయింది. అయినా సరే ఏమాత్రం డిజప్పాయింట్ అవలేదు. కొత్త ‘పెళ్లిసందడి’లో చిన్నపాత్రలో నటించింది. తేజా సజ్జాతో ‘అద్బుతం’ అనే ఓటీటీ సినిమాలో నటించింది. ఇంకా తండ్రితో ‘శేఖర్’ అనే మూవీలో నటించింది. రెండు తమిళ సినిమాల్లోనూ నటించింది. వీటితో పాటు రాజ్‌తరుణ్‌తో కలిసి అహ నా పెళ్లంట అనే వెబ్‌ సిరీస్‌లో కూడా యాక్ట్ చేసింది.అయితే తెలుగులో మాత్రం ఆమెను ‘కోటబొమ్మాళి పీయస్’ మూవీ తోనే సక్సెస్ వరించింది. ఇందులో లేడీ పోలీస్ కానిస్టేబుల్ పాత్రలో అదరగొట్టింది. దీంతో ఇప్పుడు శివానీ ఫస్ట్ హిట్ కొట్టి.. సక్సెస్ సెలబ్రేషన్స్ లో మునిగిపోయింది.
