Shahid Kapoor : బాలీవుడ్‌ స్టార్‌ హీరో షాహిద్ కపూర్, ప్రముఖ దర్శకుడు విశాల్ భరద్వాజ్‌లు కలిసి మరోసారి ప్రేక్షకులను అలరించేందుకు సిద్ధమవుతున్నారు. ఇది వీరిద్దరి కాంబినేషన్‌లో వస్తున్న నాల్గవ చిత్రం. ఈ చిత్రం డిసెంబర్‌లో సెట్స్‌పైకి వెళ్లనుంది. ఈ చిత్రంలో షాహిద్ కపూర్ ముంబైలో పేరుమోసిన హుస్సేన్ ఉస్తారా అనే గ్యాంగ్స్టర్ పాత్రలో కనిపించనున్నారు.
ఈ పాత్ర కోసం షాహిద్ కపూర్ తన రూపాన్ని పూర్తిగా మార్చుకోవడానికి ప్రత్యేక శిక్షణ తీసుకుంటున్నారు. గ్యాంగ్‌స్టర్‌గా ఆయన ఎలా ఉండాలనే విషయంపై ఇప్పటికే కసరత్తులు ప్రారంభమయ్యాయి. ఈ చిత్రం కోసం విశాల్ భరద్వాజ్‌ అద్భుతమైన స్క్రిప్ట్‌ను సిద్ధం చేశారు.
స్క్రిప్ట్‌ పనులు చివరి దశలో ఉన్నాయి. ఈ చిత్రంలో మునుపెన్నడూ చూడని భారీ యాక్షన్ సీక్వెన్స్‌లు ఉండనున్నాయి. షాహిద్ కపూర్ ప్రస్తుతం ‘దేవా’ అనే చిత్రంలో బిజీగా ఉన్నారు. ఈ చిత్రం పూర్తి చేసిన తర్వాత ఈ గ్యాంగ్స్టర్ డ్రామా చిత్రంపై పూర్తిగా దృష్టి పెడతారు.
