School life : పులివెందుల మహేష్ తన కలల ప్రాజెక్ట్ “స్కూల్ లైఫ్” చిత్రానికి నేడు ఘనంగా పూజా కార్యక్రమం నిర్వహించారు. ఈ చిత్రంలో ఆయన హీరోగా నటిస్తూనే దర్శకత్వం వహిస్తున్నారు. సావిత్రి కృష్ణ కథానాయికగా నటిస్తున్న ఈ చిత్రాన్ని నైనీషా క్రియేషన్స్ మరియు క్రౌడ్ ఫండింగ్ ద్వారా నిర్మిస్తున్నారు. నైనీషా, రాహుల్ త్రిశూల్ నిర్మాతలుగా వ్యవహరిస్తున్నారు.
సినిమా మీద ఉన్న అభిరుచితో, పులివెందుల మహేష్ స్వీయంగా నిధులు సేకరించి ఈ చిత్రాన్ని నిర్మించడం గమనార్హం. ఈ క్రౌడ్ ఫండింగ్ ద్వారా సినిమా పట్ల ఆయనకున్న అంకితభావం, కృషిని చాటి చెబుతోంది. ఈ పూజా కార్యక్రమానికి ముఖ్య అతిథులుగా హీరో కిరణ్ అబ్బవరం, దర్శకుడు వి సముద్ర గారు హాజరై చిత్ర బృందానికి మద్దతు తెలిపి, వారి ప్రయత్నాలను అభినందించారు. “స్కూల్ లైఫ్” సినిమా ఒక హృదయాన్ని తాకే కథతో రూపొందుతోందని, ప్రేక్షకులకు ఖచ్చితంగా నచ్చుతుందని చిత్ర బృందం నమ్ముతోంది.
