Satyadev : టాలీవుడ్ టాలెంటెడ్ హీరో సత్యదేవ్, కన్నడ విలక్షణ నటుడు డాలీ ధనంజయ కలిసి నటించిన మల్టీ స్టారర్ చిత్రం “జీబ్రా”. ఈ మూవీ తాజాగా తన విడుదల తేదీని ఫిక్స్ చేసుకుంది. ఈశ్వర్ కార్తీక్ దర్శకత్వంలో తెరకెక్కిన ఈ చిత్రాన్ని పాన్ ఇండియా స్థాయిలో విడుదల చేయాలని చిత్ర యూనిట్ భావిస్తోంది.
అక్టోబర్ 31న విడుదల కావాల్సి ఉన్న ఈ సినిమా, దీపావళి రేస్ నుంచి తప్పుకుని, నవంబర్ 22న ప్రేక్షకుల ముందుకు రానుంది. ప్రియా భవాని శంకర్ ఈ చిత్రంలో హీరోయిన్‌గా నటిస్తుండగా, కేజీఎఫ్ ఫేమ్ రవి బసృర్ సంగీతం అందిస్తున్నారు. పద్మజ ఫిలింస్ ప్రైవేట్ లిమిటెడ్ మరియు ఓల్డ్ టౌన్ పిక్చర్స్ బ్యానర్లపై ఈ చిత్రాన్ని నిర్మిస్తున్నారు.
ఈ సినిమా సత్యదేవ్ కెరీర్‌కు మరో మైలురాయిగా నిలుస్తుందని అభిమానులు ఆశిస్తున్నారు. డాలీ ధనంజయ కన్నడ సినిమాలో తనకంటూ ప్రత్యేక గుర్తింపును సంపాదించుకున్నారు. ఈ సినిమా ద్వారా తెలుగు ప్రేక్షకులకు మరింత దగ్గరయ్యే అవకాశం ఉంది. “జీబ్రా” సినిమా సత్యదేవ్‌కు ఎలాంటి విజయాన్ని అందిస్తుందో చూడాలి. ఈ సినిమాపై సినీ ప్రేమికుల్లో భారీ అంచనాలు నెలకొన్నాయి.
