Kajal Agarwal : ప్రార్థన సందీప్, హమరేష్ జోడీగా నటించిన వెరైటీ ప్రేమ కథా చిత్రం సత్య. వాలి మోహన్ దాస్ డైరెక్షన్ లో ఈ సినిమా తెరకెక్కింది. శివమ్ మీడియా బ్యానర్ పై నిర్మాణం జరుపుకున్న ఈ సినిమా ఈ నెల 10 థియేట్రికల్ రిలీజ్ కు రెడీ అయింది. ఈ నేపథ్యంలో ఈ సినిమా ప్రమోషన్స్ లో జోరు పెంచారు నిర్మాతలు. అందులో భాగంగా.. ఈ సినిమా నుంచి నిజమా ప్రాణమా అనే సాంగ్ ను విడుదల చేశారు.
కాజల్ అగర్వాల్ చేతుల మీదుగా సాంగ్ లాంచింగ్ కార్యక్రమం గ్రాండ్ గా జరిగింది. ఇప్పటికే సత్య టీజర్, ట్రైలర్, సాంగ్ కి ప్రేక్షకుల నుండి విశేష ఆధరణ లభించింది. విడుదలైన ఈ పాటకు కూడా మంచి రెస్పాన్స్ వస్తోంది. 90s లో పుట్టిన వారందరికీ ఈ సాంగ్ మంచి అనుభూతినిస్తుంది. రాంబాబు గోసాల అద్భుతమైన లిరిక్స్ ని అందించారు, సుందరమూర్తి కేఎస్ సంగీతం మనసుకు హత్తుకునేలా ఉంది.
