Saripoda Saniaram : నేచురల్ స్టార్ నాని నటించిన తాజా చిత్రం ‘సరిపోదా శనివారం’ థియేటర్లలో సూపర్ హిట్ అయిన విషయం తెలిసిందే. వివేక్ ఆత్రేయ దర్శకత్వంలో తెరకెక్కిన ఈ యాక్షన్ ఎంటర్టైనర్, నాని పర్ఫార్మెన్స్‌తో మరింత ఆకట్టుకుంది. ఈ చిత్రం బాక్సాఫీస్ వద్ద 100 కోట్ల రూపాయలకు పైగా గ్రాస్ వసూలు చేసి, బ్లాక్‌బస్టర్‌గా నిలిచింది.
ఇక, ఈ సూపర్ హిట్ చిత్రం ఇప్పుడు ఓటీటీలో ప్రేక్షకులను అలరించేందుకు సిద్ధమైంది. ఈ చిత్రం యొక్క డిజిటల్ స్ట్రీమింగ్ రైట్స్‌ను ప్రముఖ ఓటీటీ ప్లాట్‌ఫామ్ నెట్‌ఫ్లిక్స్ సొంతం చేసుకుంది. సెప్టెంబర్ 26 నుంచి ఈ చిత్రం నెట్‌ఫ్లిక్స్‌లో స్ట్రీమింగ్ అవుతోంది. ప్రియాంక మోహన్ హీరోయిన్‌గా నటించగా, ఎస్.జె. సూర్య విలన్‌గా కనిపించారు. ఎస్.జె. సూర్య పాత్రకు ప్రేక్షకుల నుండి అద్భుతమైన స్పందన లభించింది. జేక్స్ బిజాయ్ అందించిన సంగీతం ఈ చిత్రానికి మరో ఆకర్షణ. డివివి దానయ్య ఈ చిత్రాన్ని నిర్మించారు.
