Sara Alikhan : బాలీవుడ్ లో సరికొత్త గ్లామర్ క్వీన్ గా అవతరించిన హీరోయిన్ సారా ఆలీఖాన్. చేసినవి తక్కువ సినిమాలే అయినా.. ఆ సినిమాలన్నీ మంచి ఇంపాక్ట్ క్రియేట్ చేశాయి. ఈ ముద్దుగుమ్మ తాజా ఇంటర్వ్యూలో తన మూడో చిత్రం ‘లవ్ ఆజ్‌కల్’ ఫ్లాప్ అవ్వడం గురించి మాట్లాడింది. ఈ చిత్రం ఆశించినంత విజయం సాధించకపోవడానికి తన వంతు కారణం కూడా ఉందని ఆమె ఒప్పుకుంది.
“నా సినిమా కెరీర్ ఇప్పుడే మొదలైంది. మొదటి రెండు చిత్రాలు బాగా ఆడాయి. కానీ మూడో చిత్రం ‘లవ్ ఆజ్‌కల్’ పరాజయం పాలైంది. ఆ సినిమా ఫ్లాప్ కావడానికి నేను కూడా ఒక కారణం అని నాకు అనిపిస్తుంది. జో పాత్రలో నటించడానికి నేను ఒప్పుకోవడంలో కొన్ని పొరపాట్లు జరిగాయి. కొన్ని ఒత్తిళ్లు మరియు కొందరి సలహాల వల్ల ఆ పాత్రను చేయాల్సి వచ్చింది. సినిమా విడుదలైన తర్వాత నా పాత్రపై చాలా ట్రోల్స్ వచ్చాయి. అప్పుడు నాకు ఒక విషయం అర్థమైంది. మనసుకు నచ్చిన పాత్రలే చేయాలి, ఎవరి మాటా వినకూడదు. మన పని ఇతరులకు నచ్చకపోతే, అంతా మనల్నే వేలెత్తి చూపిస్తారు. అంతా భారం మనపైనే పడుతుంది. ఈ చిత్ర విషయంలో కూడా అదే జరిగిందని నేను అనుకుంటున్నాను,” అని సారా చెప్పింది. ప్రస్తుతం సారా ‘మెట్రో ఇన్ దినో’, ‘స్కై ఫోర్స్’ మరియు ‘ఈగల్’ సినిమాల్లో నటిస్తోంది. ఈ చిత్రాలు త్వరలోనే ప్రేక్షకుల ముందుకు రానున్నాయి.
