విలక్షణమైన నటన.. సున్నితమైన వ్యక్తిత్వం.. సునిశితమైన పరిశీలన.. కఠోరమైన పరిశ్రమ… ఆయన లక్షణాలు. బాలీవుడ్ తెరపై ఎన్నో వైవిధ్యమైన పాత్రలు పోషించి.. ప్రేక్షకుల నీరాజనాలు అందుకున్న గొప్ప నటుడు ఆయన. పేరు సంజయ్ దత్ . అందరికీ సంజూ భాయ్. తల్లి నర్గీస్, తండ్రి సునీల్‌దత్‌ల నట వారసత్వాన్ని అందిపుచ్చుకున్నాడు.
‘రాకీ’ చిత్రం ద్వారా బాలీవుడ్‌లోకి అడుగుపెట్టాడు సంజయ్ దత్ . ‘విధాత’ చిత్రం తో కథానాయకుడయ్యాడు. ‘నామ్‌’ చిత్రం సంజయ్‌దత్‌ జీవితాన్ని మలుపుతిప్పింది. ఆయన నటించిన ‘లగేరహో మున్నాభాయ్‌’ చిత్రం గ్లోబల్‌ ఫిలిం అవార్డును సాధించింది. ‘సాజన్‌’, ‘ఖల్‌నాయక్‌’, ‘వాస్తవ్‌’, ‘మిషన్‌ కశ్మీర్‌’, ‘కాంటే’, తదితర చిత్రాలు ఫిలింఫేర్, స్టార్, జీ, బాలీవుడ్ మూవీ అవార్డులను సాధించాయి. సంజయ్‌దత్‌ ‘ది ఖాన్‌ ఈజ్‌ ఆన్‌’, ‘రాస్కెల్స్‌’ చిత్రాలను నిర్మించారు. గోవింద, మిథున్, ధర్మేంద్ర, జాకీషర్రాఫ్, సన్నీడియోల్‌ లాంటి నటులతో కలిసి నటించాడు. ఆయన బయోపిక్ ను రాజ్ కుమార్ హిరాణీ సంజూ పేరుతో తెరకెక్కించగా.. మంచి విజయం సాధించింది. ప్రస్తుతం కె.జీ.ఎఫ్ 2 లో విలన్ గా దక్షిణాది తెరపై నటిస్తున్నాడు. ఆయన పుట్టిన రోజు నేడు. ఈ సందర్బంగా సంజూభాయ్ కు శుభాకాంక్షలు తెలుపుతోంది మూవీ వాల్యూమ్.
