Samantha : తన అందం, నటనతో ప్రేక్షకులను మంత్రముగ్ధులను చేసే సమంత త్వరలోనే “సిటాడెల్: హనీ బన్నీ” వెబ్ సిరీస్ తో యాక్షన్ హీరోయిన్ గా మారబోతోంది. ఇప్పుడు మరో కొత్త వెబ్ సిరీస్ లో నటించడానికి సిద్ధమైంది. ఈ సిరీస్ లో ఆమెకు జోడిగా బాలీవుడ్ నటుడు ఆదిత్య రాయ్ కపూర్ నటించనున్నట్లు తెలుస్తోంది. “ది ఫ్యామిలీ మ్యాన్”, “సిటాడెల్” వంటి సక్సెస్ ఫుల్ వెబ్ సిరీస్ లకు దర్శకత్వం వహించిన రాజ్ & డీకే ఈ సిరీస్ కి కూడా దర్శకత్వం వహించనున్నారు. ఇప్పుడు సమంత మరోసారి వారితో కలిసి పనిచేయడానికి సిద్ధంగా ఉంది.
ఈ సిరీస్ పూర్తిగా యాక్షన్ నేపథ్యంలో సాగుతుంది. ఇప్పటికే సమంత, ఆదిత్య లు యాక్షన్ సన్నివేశాల కోసం శిక్షణ కూడా ప్రారంభించారు. ఈ సిరీస్ కి “రక్తబీజ్” అనే టైటిల్ పరిశీలనలో ఉంది. చిత్రీకరణ ఆగస్టులో ప్రారంభమయ్యే అవకాశం ఉంది. ఈ కొత్త ప్రాజెక్ట్ గురించి మరింత అధికారిక సమాచారం త్వరలోనే వెలువడే అవకాశం ఉంది.
