Samantha : తెలుగు, తమిళ భాషల్లో తన అందం, నటనతో ఎందెందో మంది అభిమానులను సంపాదించుకున్న సమంత.. ఎప్పుడూ తాను ఎంతగానో అభిమానించే నటుడు మమ్ముట్టి అని చెప్పుకుంటూ వచ్చింది. ఇప్పుడు ఆమె ఆయనతో కలిసి నటించే అవకాశం దొరికిందని సమాచారం.
ప్రముఖ మలయాళ నటుడు మమ్ముట్టి ప్రధాన పాత్రలో దర్శకుడు గౌతమ్ వాసుదేవ్ మేనన్ ఓ సినిమాను తెరకెక్కిస్తున్నాడు. ఈ చిత్రంలో కథానాయికగా ముందుగా నయనతారను ఎంపిక చేశారు. కానీ కొన్ని కారణాల వల్ల ఆమె స్థానంలో సమంతను తీసుకున్నట్లు టాక్. ఇప్పటికే తెలుగు, తమిళ భాషల్లో తన సత్తా చాటిన సమంత.. ఈ సినిమాతో మలయాళ సినిమా పరిశ్రమలోకి అడుగుపెట్టనుంది.
ఈ విషయంపై చిత్రబృందం త్వరలోనే అధికారిక ప్రకటన చేయనుందని సన్నిహిత వర్గాలు తెలిపాయి. ఈ సినిమా షూటింగ్ ఈ నెల 15 నుంచి ప్రారంభం కానుందట. ప్రస్తుతం ‘మా ఇంటి బంగారం’ సినిమాతో బిజీగా ఉన్న సమంత.. ఈ సినిమా తర్వాత మమ్ముట్టి సినిమా సెట్లోకి వెళ్లనుంది.
