టాలీవుడ్‌లో కరోనాపై సంగీత దర్శకుడు కోటి ఆధ్వర్యంలో రూపుదిద్దుకున్న మూడు సాంగ్స్ ఎంతగా వైరల్ అయ్యాయో తెలిసిందే. అలాగే ‘చేతులెత్తి మొక్కుతా.. ’నంటూ చౌరస్తా బ్యాండ్ వాళ్లు చేసిన పాట కూడా భీభత్సంగా జనాలని ఆకర్షించింది. ఇలా చాలా పాటలు కరోనాపై తెలుగులో వచ్చాయి. వస్తున్నాయి. ఇప్పుడు కరోనాపై పాటలు పాడేందుకు బాలీవుడ్ హీరోలు కూడా ముందుకు వస్తున్నారు. తాజాగా బాలీవుడ్ కండలవీరుడు సల్మాన్‌ఖాన్ కరోనాపై పాటను విడుదల చేశారు. ‘ప్యార్ కరోనా’ అంటూ ఆయనే స్వయంగా ఈ పాటను పాడటం విశేషం.
ఈ పాటకు సాజిద్-వాజిద్‌లు అందించిన సంగీతం చాలా క్వాలీటీగా ఉంది. ర్యాప్‌ను మిక్స్ చేస్తూ.. మధ్యలో ‘సారే.. జహాసే అచ్చా..’ అనే పదాలు వచ్చేలా ఈ పాటను సల్మాన్ ఖానే హుస్సేన్ దలాల్‌తో కలిసి రచించడం మరో విశేషం. మొత్తంగా చూస్తే సల్మాన్ ఈ లాక్‌డౌన్‌లో తనలోని గాయకుడ్ని వెలికితీశారు. ఎందుకంటే ఆయన పాడిన విధానం ఒక ప్రొఫెషనల్ సింగర్ పాడినట్లుగా ఉంది. సల్మాన్ ఖాన్ సొంత యూట్యూబ్ ఛానెల్ ద్వారా ఈ పాట విడుదలైంది.
వీడియో సాంగ్ ను వీక్షించేందుకు కింది లింక్ మీద క్లిక్ చేయండి.
https://www.youtube.com/watch?v=SoAp7sX65TQ&feature=emb_logo
