యానిమ‌ల్ మూవీ రష్మికా మందన్నకు బాలీవుడ్ లో మంచి గుర్తింపునిచ్చింది. సందీప్ రెడ్డి వంగా దర్శకత్వంలో ర‌ణ‌భీర్‌క‌పూర్ హీరోగా న‌టించిన ఈ మూవీ పాన్ ఇండియన్ బాక్సాఫీస్ వ‌ద్ద దాదాపు 900 కోట్లకుపైగా కలెక్షన్స్ తెచ్చిపెట్టింది. ఈ మూవీ బ్లా్క్ బస్టర్ తో బాలీవుడ్‌లో ర‌ష్మిక‌కు వరుసగా ఆఫర్స్ వచ్చిపడుతున్నాయి. లేటెస్ట్ గా ఈ కన్నడ బ్యూటీ బాలీవుడ్ లో ఒక అదిరిపోయే ఆఫర్ ను అందుకుంది. అది కూడా సల్లూభాయ్ కు జోడీగా. స‌ల్మాన్‌ఖాన్, ఏఆర్ మురుగ‌దాస్‌ కాంబినేషన్ లో సికందర్ అనే మూవీ రూపొందుతోంది. ఇందులో రష్మిక హీరోయిన్‌గా ఖాయమైంది. గురువారం అఫీషియ‌ల్‌గా అనౌన్స్‌చేశారు. 2025 ఈద్‌ కానుకగా ఈ మూవీ థియేట‌ర్ల లో చూడ‌టం కోసం ప్రేక్షకుల‌తో పాటు తాను ఎంతో ఇంట్రెస్ట్ గా ఉన్నానంటూ.. టీమ్ ట్వీట్ చేసింది రష్మిక.స‌ల్మాన్ ఖాన్ మూవీలో ఛాన్స్ రావడం పై రష్మిక రెస్పాండ్ అయింది. త‌న నెక్స్ట్ ఏంటని చాలా రోజులుగా అంద‌రూ అడుగుతున్నార‌ని, వారికి నేను ఇవ్వబోతున్న స‌ర్‌ప్రైజ్ ఇదే . సికందర్‌లో భాగం కావ‌డం ఆనందంగా, గ‌ర్వంగా ఉంద‌ని రష్మిక ట్వీట్ చేసింది. త్వర‌లోనే ఈ సినిమా రెగ్యుల‌ర్ షూటింగ్ మొద‌లు కాబోతోంది.
